Chakruok 25:8 - MUMA MALER 2015

⁸ mi notho moluwo kwerene, koseti ahinya, kendo ka hike oniang’.

Motingʼo Loko Manyien

⁸ Eka Ibrahim notho koluwo kwerene ka en gi higni mathoth ka en ngʼama oti kendo hike ngʼeny.

Chakruok 25:8 ပူးပေါင်းရင်းမြစ်များ

Chakruok 15:15

To in, nidag aming’a, kendo nitho gi kue, kiluwo kwereni.

Chakruok 25:17

Ishmael notho moluwo kwerene ka ne en jahigni mia achiel gi piero adek gabiriyo.

Chakruok 25:7

Ibrahim notieko higni mia achiel gi piero abiriyo gabich,

Chakruok 35:18

To kata kamano Rahel ne tho, kendo kane chunye dwaro chot, nochako nyathino ni Benoni (tiende ni wuowi ma ayudo gi chandruok.)

Chakruok 37:35

Yawuote gi nyige duto notemo hoyo chunye, to nodagi hore. Nowacho niya, “Abiro ywago wuoda nyaka atho alu bang’e.” Kamano e kaka Jakobo noywago Josef wuode.

Chakruok 49:29

Eka Jakobo nochiko yawuote niya, “Kaka koro achiegni tho kaluwo kwerena, yikauru but kwerena e rogo man e puoth Efron ja-Hiti

Chakruok 49:33

Kane Jakobo osetieko chiko nyithinde kamano, nodwoko tiende e kitanda mi chunye nochot koluwo kwerene.

Chakruok 50:13

Ne giting’o ringre nyaka Kanaan mi giyike e rogo manie puodho man Makpela, yo wuok chieng’ mar Mamre, mane Ibrahim ong’iewo kuom Efron ja-Hiti mondo obedne kar yiko joge.

1 Weche mag Ndalo 23:1

Kane Daudi koro oseti, kendo hike oniang’, noyiero Solomon wuode mondo obed ruodh Israel.

1 Weche mag Ndalo 29:28

Notho ka hike oniang’, kendo ka en gi luor kod mwandu mogundho. Solomon wuode nodoko ruoth kare.

2 Weche mag Ndalo 24:15

Jehoyada koro noti, kendo hike oniang’, mi notho kane en jahigni mia achiel gi piero adek.

Ayub 41:32

Koringo e nam, to ndache lokore rachar, kendo nam lokore buoyo.

Ayub 42:17

Eka ne otho ka hike oniang’ maber.

Ayub 5:26

kendo inidag aming’a, mi itho ka ndaloni ogik kare, mana ka cham mochiek maber mokel kar dino.

Ngeche 20:29

Sunga mar yawuowi en teko ma gin go, kendo duong’ mar jodongo en lwar mae wigi.

Jeremia 6:11

Kuom mano, Ruoth Nyasaye, mirimbi opong’a, kendo koro ohewa.” Eka Ruoth Nyasaye nowacho ni Jeremia niya, “Ol mirimba kata mana kuom nyithindo matugo e yore, kendo kuom yawuowi mochokore kanyakla. Mon gi chwo ibiro kawo koda ka joma oti mojwajni.

Kwan 20:24

“Harun biro tho, mi luw kwerene, to ok nodonji e piny ma nasingora ni nami jo-Israel, nikech nudagi rito chikna kuom pi Meriba.

Kwan 27:13

Ka isenene, to ibiro tho miluw kwereni, mana kaka Harun owadu notho,

Tich Joote 12:23

Gikanyono malaika mar Ruoth Nyasaye nogoyo Herode, nikech ne ok omiyo Nyasaye duong’. Bang’e kudni nochamo dende, mi otho.

Tich Joote 13:36

“To kane Daudi osetimo gik mane Nyasaye dwaro mondo otim e ndalone, notho, moyike but kwerene, kendo ne otop.

Tich Joote 5:10

Gikanyono Safira nopodho e tiend Petro, mi otho. Eka yawuowi nobiro, monwang’e kosetho, omiyo ne giting’e gigole oko, mi giyike but chwore.

Tich Joote 5:5

Gikanyono mane Anania owinjoe wechego, nogore piny motho. Ji duto mane owinjo wachno, luoro nomako.

Rapar mar Chik 32:50

Initho ewi got ma ibiro idhono, mi iluw kwereni, mana kaka owadu Harun notho e got Hor, moluwo kwerene.

Jong’ad Bura 2:10

Tieng’no duto notho, moluwo kweregi, kendo tieng’ machielo mane ok ong’eyo Ruoth Nyasaye, kata gik mane osetimo ni jo-Israel, noluwo bang’gi.

Jong’ad Bura 8:32

Gideon wuod Joash notho ka hike oniang’ mi oyike Ofra dala jo-Abiezer, e liend Joash wuon mare.