Chakruok 24:32 - MUMA MALER 2015

³² Mi ng’atno nodonjo e ot, to Laban nogonyo gik mane ngamia oting’o kendo nopedho ni ngamia lum, momiyogi chiembgi. Eka nokelo pi mondo jatich Ibrahim gi joge olwokgo tiendegi.

Motingʼo Loko Manyien

³² Kuom mano ngʼatno nodonjo e ot kendo misike mane ngamia otingʼo nogol kuomgi. Nomigi lum kod chiembgi mi nokelo pi ne jatich Ibrahim kod joge mondo olwokgo tiendegi.

Chakruok 24:32 ပူးပေါင်းရင်းမြစ်များ

Chakruok 18:4

Weuru aomnu pi mondo uluokgo tiendu, kendo uyue e tiend yadhni.

Chakruok 19:2

Nowachonigi niya, “Jodongo, yieuru uraw e oda mondo uluok tiendu, kendo unindi. Eka kiny unyalo wuok gokinyi.” To ne gidwoke niya, “Ooyo, wabiro nindo mana e laru ka.”

Chakruok 24:33

Nokelnigi chiemo, to ng’atno nowacho niya, “Ok anyal chiemo ka pok ahulo gimomiyo abiro ka.” Omiyo Laban nowachone ni, “Ara wachi.”

Chakruok 29:13

To kane Laban owinjo ni Jakobo wuod nyamin obiro, nodhi piyopiyo mondo oromne. Nokwake monyodhe, eka nokele dala, bang’e Jakobo nonyiso Laban gik moko duto mane osetimore,

Chakruok 43:24

Kane jaduong’ od Josef oserwakogi e ot, nomiyogi pi mondo gilwokgo tiendegi, kendo momiyo kenjegi chiemo.

Luka 7:44

Bang’ mano, nolokore, mong’iyo dhakono, mi openjo Simo niya, “Ineno dhakoni? Nende abiro e odi, to ne ok imiya pi mondo alwokgo tienda. En to oselwoko tienda gi pi wang’e, kendo oyweyo gi yie wiye.

1 Timotheo 5:10

kendo ma ji oyiego ni timbene beyo, bende moserito nyithinde maber. Bende nyaka obed dhako mohero rwako welo kendo moyie konyo jo-Nyasaye kadwokore piny e tich moro amora kaka lwoko tiend jo-Nyasaye, kendo nyaka oket chunye kuom tiyo tije mabeyo duto.

Jong’ad Bura 19:21

Kamano nokawogi, moterogi e ode, kendo nomiyo kenjegi lum. Welogo nolwoko tiendegi, mi gichiemo kendo gimetho.

1 Samuel 25:41

Mi Abigail noa malo, mogoyo chonge piny nyaka e lowo. Eka nowacho niya, “An mana misumba, ma nyalo lwoko tiend jotich ruoth.”