Chakruok 24:30 - MUMA MALER 2015

³⁰ Laban noneno tere e um nyamin mare, kod bangli e bade, kendo nowinjo ka onyisogi gima ne ng’at cha owachone. Omiyo noringo nyaka e soko, moyudo ng’atno ka pod ochung’ but ngamia.

Motingʼo Loko Manyien

³⁰ Kane Laban oseneno tere e um nyamin kod bangli ka ni e lwet nyamin kendo kane owinjo gima Rebeka wacho ni ngʼatno onyise, Laban nodhi ir ngʼatno moyude ka ochungʼ e bath ngamia-go machiegni gi soko.

Chakruok 24:30 ပူးပေါင်းရင်းမြစ်များ

Chakruok 24:22

Kane Rebeka osetieko omo pi ni ngamia, ng’atno nokawo tere mar um ma nengone tek, moketo e um Rebeka, kaachiel gi bangli ariyo mag dhahabu ma pekgi oromo achiel kuom apar mar kilo, moketo e bade.

Chakruok 24:29

Ne en gi owadgi ma nyinge Laban.

Chakruok 24:31

Nowachone niya, “Donji, in ng’at ma Ruoth Nyasaye oseguedho. Ere gimomiyo pod ichung’ oko? Aseikoni ot, kendo nitie kama ngamia nyalo betie.”

Isaya 3:19

gi tigo ma giketo e ng’utgi, gi ronge mag lwedo, gi nanga miliero e ng’ut,

Jeremia 2:32

Bende wi nyako nyalo wil gi gik ma olichorego? Koso wi miaha nyalo wil gi lawe mar kisera? An to, wi joga osewil koda kuom ndalo mang’eny mokadho akwana.

Ezekiel 23:42

Bang’e mahu mar oganda joma ok dew gimoro ne owinji. Ne gin joma oa e thim. Ne girwako ronge e bede mon-go, kendo gisidhonigi osimbe mabeyo e wigi.

Jong’ad Bura 17:2

Nowacho ni min mare niya, “Donge iparo pesani alufu achiel gi mia achiel mane okwal, kendo kaka niluongo jakuogno ka awinjo? An gi fedhago. An ema nakwalogi, to koro adwokonigi.” Min mare nowachone niya, “Nyasaye mondo oguedhi, wuoda!”