Chakruok 24:3 - MUMA MALER 2015

³ Adwaro ni mondo ikuong’rina e nyim Ruoth Nyasaye ma Nyasach polo gi piny ni ok ninywom ni wuoda nyar piny Kanaan madakieni,

Motingʼo Loko Manyien

³ Adwaro mondo ikwongʼrina gi nying Jehova Nyasaye, Nyasach polo kod piny ni ok ibi yudone wuoda dhako koa kuom nyi Kanaan ma an jadak e kindgini,

Chakruok 24:3 ပူးပေါင်းရင်းမြစ်များ

Chakruok 14:19

kowacho niya, “Abram! Nyasaye Maduong’ Moloyo, mane ochueyo polo gi piny, mondo oguedhi.

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 21:23

Omiyo koro kuong’rina gi nying Nyasaye ni ok nitimna gimoro marach kata ni nyithinda kata ni nyikwaya. Kaka asetimoni maber, e kaka in bende onego itimna maber, kendo ni piny ma koro idakie.”

Chakruok 24:7

Ruoth Nyasaye ma Nyasach polo gi piny ma nogola thurwa e dala wuora, kendo nosingorena ni nomi nyikwaya pinyni ema noor malaikane nyimi mondo iyud ni wuoda nyako kuno.

Chakruok 27:46

Kuom mano, Rebeka nowacho ni Isaka niya, “Mond Esau ma nyi pinje mokogi ojoga. Ka dipo ni Jakobo bende okendo mana nyar Hiti, to ber katho.”

Chakruok 28:1

Isaka noluongo Jakobo, moguedhe kendo osieme niya, “Kik ikend nyar jo-Kanaan,

Chakruok 28:8

Kamano Esau nofwenyo ni kara Isaka wuon mare ne ok ohero nyi Kanaan.

Chakruok 34:9

Wanywom nyiu, to un bende ukend mawa, mondo wabed wede.

Chakruok 38:2

Noyudo nyar Shua ma ja-Kanaan kuno, mokendo.

Chakruok 47:31

To Israel nowachone niya, “Kuong’rina ni initim kamano.” Mi Josef nokuong’orene. Eka Israel nokulore gi yo ka wi kitandane.

Chakruok 50:25

Bang’ mano nomiyo yawuot Israel okuong’ore kowachonigi niya, “Kuong’reuru ni ndalo ma Nyasaye nokonyue, mi ua ka, to nyaka ukaw chokena udhigo.”

Chakruok 6:2

yawuot Nyasaye noneno ni nyi dhano beyo, omiyo ng’ato ka ng’ato nokendo nyako mohero kuomgi.

Chakruok 6:4

E ndalogo kod ndalo moluwo mano, ne nitie joma rabede miwuoro e piny, mane nyi dhano kod yawuot Nyasaye onywolo. Jogo ne thuondi kendo ne joma nigi huma e ndalo machon-go.

2 Ruodhi 19:15

“A Ruoth Nyasaye ma Nyasach Israel, mobet ewi kerubi kaka ruoth bet e kom duong’ne, in kendi e Nyasach ogendini duto mae piny, kendo in ema nichueyo polo gi piny.

2 Weche mag Ndalo 2:12

Eka nodhi nyime kowacho niya, “Apako Ruoth Nyasaye ma Nyasach Israel, ma jachwech polo gi piny, nimar osemiyo ruoth Daudi wuowi man gi rieko kod ng’eyo ma biro gero Hekalu ni Ruoth Nyasaye kod ot ma ruoth dakie.

Ezra 5:11

To ne gidwokowa niya, ‘Wan jotich Nyasach polo gi piny, kendo wagero ot mane oyudo oseger chon, higni mang’eny mokadho. Ruodh Israel maduong’ ema nogere, motieke.

Nehemia 13:25

Nadhaw kodgi, mi ayanyogi, to jomoko kuomgi nagoyo, mi apudho yie wigi. Kendo namiyo gikuong’ore e nyim Nyasaye ni ok giniyie jogo okend nyigi, kendo ni ok ginikend nyi jogo, kata kendogi ni yawuotgi.

Nehemia 9:6

A Ruoth Nyasaye in kendi e Nyasaye. In ema nichweyo polo gi polo man malo mogik, kaachiel gi piny gi gik mantie iye, gi nembe kod gik mantie igi. In ema iritogi duto, kendo gik moko duto manie polo, lamo mana in.

Zaburi 115:15

Onego Ruoth Nyasaye mane ochueyo polo gi piny guedhu.

Zaburi 136:26

Gouru erokamano ni Nyasach polo, nimar herane mosiko ochwere.

Wuok 20:7

“Kik uluong nying Ruoth Nyasaye ma Nyasachu kayiem nono, nimar anakum ng’ato ka ng’ato mokonyore gi nyinga e yo ma ok ni kare.

Wuok 22:11

to ng’at mane oriembnegono nyaka kuong’re e nyim Nyasaye, konyiso ni en ok okawe. To ka oyud ni ok okwale adier, to wuon-go nyaka we wachno kamano, kendo ng’atno ok nochule.

Wuok 23:13

“Mak uru weche duto ma asenyisou. Kik ulam nyiseche mamoko, kendo kik umul nyinggi.

Wuok 34:16

Yawuotu bende dikend nyigi, to mondgigo dilam nyisechegi, mi gimi yawuotu weya, kendo lam nyisechegigo.

Isaya 45:23

An Nyasaye mangima asekuong’ora! Adier, gima owuok e dhoga en adier, kendo ok nyal lokore. Asesingora ka awacho niya, “Ji duto nogona chonggi piny, kendo ng’ato ka ng’ato nokuong’re ni biro luwa.”

Isaya 48:1

Winjuru, un joka Jakobo, miluongo ni jo-Israel, kendo ma koth Juda. Ukuong’oru gi nying Ruoth Nyasaye, kendo ulamo Nyasach Israel, to ok ulame gi adiera, kata e yo makare,

Isaya 65:16

Ng’ato ang’ata ma dwaro mondo oyud gueth e piny, to nyaka kwa mana Nyasach adiera mondo oguedhe. Bende ng’at ma kuong’ore e piny ka, to nyaka kuong’re mana e nying Nyasach adiera, nikech wich nowil gi thagruok machon, mi lal nono e wang’a.

Jeremia 10:11

Nyaka inyis jogo ni nyiseche mane ok ochueyo polo gi piny ibiro kethi. Ok ginichak gibed kamoro amora e piny.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 29:6

Kenduru mon, mondo ubed gi nyithindo, bende kenduru ni yawuotu, kendo uwe nyiu okendi, mondo gin bende gibed gi nyithindgi. Kamano unya kuno, mondo kik udong’ chien.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Tim jo-Lawi 19:12

Kik ikuong’ri gi nyinga kiwuondo ng’ato, nimar kitimo kamano to ichayo nying Ruoth Nyasaye ma Nyasachu. An e Ruoth Nyasaye.

Zefania 1:5

Bende abiro tieko ji maidho ewi udi, kendo kulore piny kalamo gik manie kor polo, Kod joma lama an Ruoth Nyasaye, to kendo kuong’ore gi nying Milkom, nyasaye manono,

Kwan 5:21

to Ruoth Nyasaye mondo omi iyi okirre, kata omi ibuog nyathi ka kindeni mar nywol pok ochopo, kibedogo ranyisi ni jou kuom wach kuong’ruok.

1 Jo-Korintho 7:39

Chik otueyo dhako ndalo duto ma chwore pod ngima, to ka chwore osetho, to en gi thuolo mondo ng’ama ohero okende. To ng’ama okendono nyaka bed ja-Kristo.

Rapar mar Chik 10:20

Nyaka uluor Ruoth Nyasaye ma Nyasachu, kendo ulame gi chunyu duto, bende kukuong’oru mana gi nyinge.

Rapar mar Chik 6:13

Luoruru Ruoth Nyasaye ma Nyasachu, kendo utine. Ka ukuong’oru to nyaka ukuong’ru mana gi nyinge.

Jo-Hibrania 6:16

Pile ji kuong’ore gi nying ng’ama duong’ moloyogi gi duong’, kendo kuong’ruok ema itiekogo weche duto manie kind ji, mondo kiawa moro obed maonge.

Joshua 2:12

Emomiyo koro kuong’renauru e nying Ruoth Nyasaye kendo umiya ranyisi ni kaka asetimonu maber, un bende nutimne joodwa maber.

Jong’ad Bura 14:3

To jonywolne nodwoke niya, “Ang’o momiyo idwaro kendo nyar jo-Filistia ma ok oter nyangugi? Donge nitie nyako moro kuom nyi oweteni, kata kuom jowa?” To Samson nowacho ni wuon mare ni, “Nywomnago, nikech ahere.”

1 Samuel 20:17

Jonathan nochako okuong’ore ni Daudi kendo, nikech nohere mana kaka noherore owuon.

1 Samuel 30:15

Daudi nokone ni, “Diyie itera ir jogo?” Nodwoke niya, “Kuong’rina e nying Nyasaye ni ok ninega, kendo ok nichiwa e lwet ruoth ma natiyone, eka dateri ir jogo.”