Chakruok 24:27 - MUMA MALER 2015

²⁷ kowacho niya, “Apako Ruoth Nyasaye ma Nyasach Ibrahim ruodha, moserito singruok ma notimo ni ruodha, kendo osekela mana dala owadgi ruodha.”

Motingʼo Loko Manyien

²⁷ kowacho niya, “Duongʼ odogne Jehova Nyasaye, ma Nyasach ruodha Ibrahim, ma ok oseweyo nyiso adierane gi ngʼwonone ne ruodha. To an, Jehova Nyasaye osetelona e wuoth nyaka e od wede ruodha.”

Chakruok 24:27 ပူးပေါင်းရင်းမြစ်များ

Chakruok 13:8

Eka Abram nowacho ni Lut niya, “Wan wede; dhaw ok onego bed e kindwa kodi, kata e kind jokwadhi gi jokwadha.

Chakruok 14:20

Wapako Nyasaye maduong’ moloyo, mosechiwo wasiki e lweti.” Eka Abram nomiyo Melkizedek achiel kuom apar mag gik moko duto ma noyako.

Chakruok 24:12

Eka nowacho niya, “A Ruoth Nyasaye ma Nyasach Ibrahim ruodha, guedha tinendeni mondo wuodhani obed maber, kendo ichop singruok ma nitimo ni ruodha.

Chakruok 24:21

Ng’atno nobedo ka range ling’ling’ mondo one ane ka Ruoth Nyasaye oseguedho wuodhe.

Chakruok 24:4

to nyaka idog thurwa ir joodwa mondo iyudie nyako ni Isaka wuoda.”

Chakruok 24:42

Omiyo ka nende achopo e soko, to nalamo Ruoth Nyasaye niya, ‘A Nyasach Ibrahim ruodha, yie iguedh wuodhani.

Chakruok 24:48

kendo nagoyo chonga piny makulora kalamo Ruoth Nyasaye. Napako Ruoth Nyasaye ma Nyasach Ibrahim ruodha mosetelona maber mondo ayud nyar owadgi ruodha ni wuode.

Chakruok 32:10

Ok awinjora gi herani maradier kendo mosiko misenyisa. Nang’ado aora Jordan ka aonge gi gimoro mak mana ludha mar wuoth kende, to koro aseduogo gi ogendini ariyogi.

Chakruok 32:11

Omiyo resa e lwet Esau owadwa, nimar aluor ni dipo ka otiekowa duto, ma ok oweyo kata mana mon kata nyithindo.

Chakruok 9:26

Eka nomedo wacho niya “Ruoth Nyasaye oguedh hemb Shem, to Kanaan obed misumba Shem

2 Samuel 18:28

Ahimaaz nochopo, moting’o dwonde, kowacho ni ruoth niya, “Wach ber.” Bang’e nokulore piny ni ruoth, mowacho niya, “Ruoth Nyasaye ma Nyasachi duong’, mosechiwo joma nopiem kodi e lweti.”

Zaburi 100:5

Ruoth Nyasaye ber, kendo herane mosiko ochwere. Adierane bende ok norum!

Zaburi 68:19

Pakuru Ruoth Nyasaye mating’o chandruokwa pile. En e Nyasaye ma warowa.

Zaburi 98:3

Orito singruok mane otimo kod jo-Israel, gi adiera, konyisogo ni oherogi gi hera mosiko. Ji duto oseneno resruok moa kuom Nyasachwa.

Wuok 18:10

Nowacho niya, “Opak Ruoth Nyasaye mane oresou e lwet jo-Misri, kendo e lwet Farao.

Wuok 2:11

Chieng’ moro kane Musa osedoko ng’at maduong’, nodhi mondo one jo-Israel wetene, moneno kaka ichunogi gi tich matek. To bende noneno ka ja-Misri moro goyo achiel kuom jo-Hibrania wetene.

Wuok 2:13

Kinyne nodok, moneno jo-Hibrania ariyo kagore. Nokwero jal mane okwinyo wadgi niya, “Mar ang’o igoyo wadu?”

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Ngeche 3:6

Par Ruoth Nyasaye e gik moko duto mitimo, eka obiro nyisi yo makare monego iluw.

Ngeche 8:20

An atimo timbe makare, kendo ang’ado bura kare,

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Luka 1:68

“Wapakuru Ruoth ma Nyasach Israel, nikech ne obiro konyo joge, mi owarogi.

Johana 1:17

nikech kata obedo ni Musa ema nokelonwa Chik, to Yesu Kristo ema nokelonwa ng’wono gi adiera.

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

1 Timotheo 1:17

Opak Ruoth mochwere! En Ruoth ma ok tho, kendo ma ok ne. En e Nyasaye kende. Duong’ obedne ma nyaka chieng’. Amin.

Ruth 4:14

Bang’e mon nowacho ni Naomi niya, “Opak Ruoth Nyasaye tinende, ma ok oweyi nono. Koro in gi nyakwari. Nying nyathi mondo obed gi huma maduong’ e Israel.

1 Samuel 25:32

Daudi nodwoko Abigail niya, “Apako Ruoth Nyasaye ma Nyasach Israel, moori tinendeni mondo irom koda.

1 Samuel 25:39

Kane Daudi owinjo ni Nabal osetho, nowacho niya, “Apako Ruoth Nyasaye mosechulo kuor kuom achaye ma nayudo kuom Nabal, kendo ma nogeng’ona ni kik atim richo. To Ruoth Nyasaye osedwoko richo Nabal e wiye owuon.” Eka Daudi nooro wach ni Abigail, mondo okende.