Chakruok 24:14 - MUMA MALER 2015

¹⁴ Abiro kwayo nyako moro mondo oket dapige piny, amodhie, to ka odwoka ni, ‘Modhi; ngamia magi bende abiro miyo pi’, to en ema mondo obed nyako ma iseyiero ni Isaka jatichni. Kamano anang’e ni isechopo singruok mane itimo ni ruodha.”

Motingʼo Loko Manyien

¹⁴ Mad timreni ka awachone nyako moro ni, ‘Asayi, yie dapigi piny mondo mi amodhie,’ kendo ka dowachna ni, ‘modhi kendo abiro chiwo pi ni ngamia-gi duto’ to en ema mondo obed nyako ma iseyierone Isaka jatichni. Kamano anangʼe ni isenyiso ngʼwononi ne ruodha.”

Chakruok 24:14 ပူးပေါင်းရင်းမြစ်များ

Chakruok 15:8

To Abram nopenje niya, “A Ruoth Nyasaye, ere kaka anyalo ng’eyo ni pinyni nobed mara?”

Chakruok 24:13

Eri, achung’ e dho sokoni, kama nyi dalani biro umboe.

Chakruok 24:15

Kane pok otieko lemo, Rebeka nyar Bethuel ma wuod Milka chi Nahor ma owadgi Ibrahim nochopo, koting’o dapi e goke.

Chakruok 24:18

Mi nyakono noloro dapige piyopiyo, moting’o e lwete, kowachone niya, “Modhi, jaduong’.”

Chakruok 24:19

Kane osetieko modho, Rebeka nowachone niya, “Koro adhi omo pi ni ngamia magi mondo omodh kaka gidwaro.”

Chakruok 24:43

Eri achung’ e dho sokoni. Ka nyako moro obiro umbo pi, abiro wachone niya, ‘Yie imiyae pi amodhi.’

Chakruok 24:44

To kodwoka ni, ‘Modhi, kendo abiro omo pi ni ngamia magi bende,’ to en ema mondo obed nyako ma iseyiero ni wuod ruodha.’

2 Samuel 20:9

Nomoso Amasa, kopenje niya, “In nadi, omera?” Eka nomako yie tik Amasa gi lwete ma korachwich mondo onyodhe.

2 Samuel 5:24

Kiwinjo mutni ewi yien, ka mutni mag ji mawuotho, to ireti, nimar asetelo nyimi, mondo adhi alo jolweny mag jo-Filistia.”

Ngeche 19:14

Dala kod mwandu ema wuon nyathi weyone. Dhako mariek to Ruoth Nyasaye ema chiwo.

Isaya 7:11

“Kwa Ruoth Nyasachi mondo omiyi ranyisi moro amora, moa mwalo e bur piny, kata moa e polo malo.”

Jo-Rumi 1:10

Pile akwaye ni chieng’ moro, ka oyie, to mondo ayud thuolo mar biro iru, bang’ dwaro timo kamano kuom ndalo mang’eny.

Jong’ad Bura 18:5

Ne gikwaye niya, “Penjnwa Nyasaye wach ka wuodhwani biro bedo maber.”

Jong’ad Bura 6:17

Gideon nokone niya, “Ka iyie koda adier, to timna gima nyisa ni in ema iwuoyo koda.

Jong’ad Bura 6:37

to eri aketo pien rombo e laru kama wadinoe cham. Ka kiny ayudo ka pien rombo kende ema tho omokoe, to piny odong’ kotwo, eka nang’e ni kara adier, idwaro ni mondo ares jo-Israel.”

1 Samuel 20:7

Kowacho ni, ‘Mano ber,’ eka anayud kue. To ka mirima omake, eka ning’e ni odwaro timona gimoro marach.