Chakruok 24:1 - MUMA MALER 2015

¹ Ibrahim koro nosedoko moti ahinya, kendo Ruoth Nyasaye noseguedhe e yorene duto.

Motingʼo Loko Manyien

¹ Ibrahim noseti kendo hike noniangʼ, kendo Jehova Nyasaye nosegwedhe e yore duto.

Chakruok 24:1 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 13:2

To Abram koro ne jamoko ahinya, ne en gi rombe gi diek gi dhok, kaachiel gi fedha kod dhahabu.

Chakruok 18:11

Ibrahim gi Sara ne josedoko moti, kendo ndalo Sara mag nywol nosekadho.

Chakruok 21:5

Ne en jahigni mia achiel kane onywol Isaka wuode.

Chakruok 24:35

Ruoth Nyasaye oseguedho ruodha ahinya, mi osedoko ng’ama duong’. Osemiye rombe gi diek kod dhok mang’eny, kod fedha gi dhahabu, kaachiel gi wasumbni machwo gi mamon, kod ngamia gi kanje.

Chakruok 25:20

Ne en jahigni piero ang’wen kane okendo Rebeka nyamin Laban wuod Bethuel ja-Aram ma nodak e piny Mesopotamia.

Chakruok 26:12

E higano, Isaka nopuro, mi nokayo cham moloyo ma nochwoyo nyadi mia, nikech Ruoth Nyasaye noguedhe.

Chakruok 49:25

Nyasach wuoruno, ma Nyasaye Manyalo Gik Moko Duto, mondo okonyi, kendo oguedhi gi koth moa malo, kendo gi nyithindo, kod chak ma gidhodho,

1 Ruodhi 1:1

Ruoth Daudi koro noseti, kendo hike ne oniang’, ma kata ne oume gi lep nindo, to pod ne ok onyal yudo liet.

Ngeche 10:22

Gueth moa kuom Ruoth Nyasaye ema kelo ni ng’ato mwandu, kendo mwandu makamano ok kel parruok.

Isaya 51:2

Adier, paruru Ibrahim wuonu, kod Sara mane onywolou. Kane aluongo Ibrahim, to ne en mana ng’at achiel kende. Bang’e ne aguedhe, mi amiye odoko oganda maduong’.

Mathayo 6:33

To mokwongo dwaruru mondo Loch Nyasaye obedie, kendo utim gik ma Nyasaye dwaro, eka gigo duto nomednu.

Luka 1:7

To ne gionge nyathi, nikech Elizabeth ne dhako ma migumba, kendo giduto koro ne gin joma oti.

Jo-Galatia 3:9

Omiyo kaka Ibrahim noyie, mi oguedhe, e kaka ji duto moyie bende oguedhi.

Jo-Efeso 1:3

Wagouru erokamano ni Nyasaye ma wuon Ruodhwa Yesu Kristo, nimar oseguedhowa, wan ma wan kuom Kristo, komiyowa mich duto mag Roho moa e polo.

1 Timotheo 4:8

Ing’eyo ni ka ng’ato oketo chunye kuom tuke mag rieyo del, to mano konye mana e yore moko kende, to ka ng’ato oketo chunye kuom luoro Nyasaye, to mano konye e yore duto nikech okelone gueth e ngima ma sani, kendo e ngima mabiro bende.