Chakruok 23:4 - MUMA MALER 2015

⁴ “An mana wendo, kendo jadak e kindu. Yieuru umiya lowo moromo kar yiko, mondo ayikie ng’ata e yo mowinjore.”

Motingʼo Loko Manyien

⁴ “An mana jadak kendo wendo e kindu. Miyauru kamoro angʼiew moromo kar yiko.”

Chakruok 23:4 ပူးပေါင်းရင်းမြစ်များ

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Chakruok 23:5

Ne gidwoke niya,

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Chakruok 47:9

Jakobo nodwoke ni, “Higni ma asewuotho e piny, gin mana mia achiel gi piero adek. Hignigo osebedo manok kendo maricho, kendo ok girom gi higni ma kwerewa nowuothogo e piny.”

Chakruok 49:30

man Makpela, yo wuok chieng’ mar Mamre e piny Kanaan. Rogono Ibrahim ema nong’iewo kaachiel gi puodhono ir Efron ja-Hiti, mondo obed kar yiko joge.

Chakruok 50:13

Ne giting’o ringre nyaka Kanaan mi giyike e rogo manie puodho man Makpela, yo wuok chieng’ mar Mamre, mane Ibrahim ong’iewo kuom Efron ja-Hiti mondo obedne kar yiko joge.

1 Weche mag Ndalo 29:15

Wan mana welo kendo jodak e nyimi, kaka kwerewa bende nobet. Ndalowa e piny ka, chalo gi tipo makadho, kendo waonge kar dak mosiko.

Ayub 30:23

Ang’eyo ni idwaro tera e tho, kuma ji duto ochomo.

Zaburi 119:19

Anie pinyka mana kuom kinde matin, omiyo kik ipandna chikeni.

Zaburi 39:12

A Ruoth Nyasaye, winj lemona, kendo chik iti ni ywakna, kik iling’ kineno ka pi wang’a chwer. An wendoni e pinyni mana kuom kinde matin kende, kaka kwerewa bende nobedo wendi.

Wuok 2:22

Zipora nonywolo ni Musa wuowi, mi Musa nochako ni Gershom, (tiende ni jadak ka). Nochake kamano nikech noneno ni osedoko jadak e piny ma ok margi.

Eklesiastes 12:5

Un ubed kuluoro idho kuonde moting’ore, kendo wuoth nobednu lweny. Bende yie wiu nolokre lwar, kendo tekreu mar nyodo norum chuth, ma ok nyal duogo. Koro wadhi e dalawa mosiko nyaka chieng’, kendo ji biro ywagowa e wang’yore.

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

Eklesiastes 6:3

Ng’ato nyalo bedo gi nyithindo mia achiel, mi odag higni mang’eny. To kata da bed ni odak aming’a machal nadi, to ok oyudo mor kuom gik ma en go, kendo ok oyike maber ka otho, to oneno ni nyathi ma obuogi kosetho ber moloye.

Tim jo-Lawi 25:23

“Ka ng’ato ong’iewo lowo kuom wadgi, to lowono ok nobed mare nyaka chieng’, nikech an e wuon lowo, to un, un mana jodakna.

Tich Joote 7:16

Ringregi noter Shekem, mi oyik kuno e liel mane Ibrahim oseng’iewo chon kuom yawuot Hamor.

Tich Joote 7:5

To e kindeno, Nyasaye ne ok omiyo Ibrahim lowo moro e pinyni kata matin, to nosingorene ni nomiyego mondo obed mare kaachiel gi nyithinde kod nyikwaye, kata obedo ni ne pod oonge nyithindo kamano e kindeno.

Jo-Hibrania 11:9

Yie ema nomiyo odak mana ka jadak e piny ma ok mare, kata obedo ni ne en piny mane Nyasaye osingore ni nomiye. Ne odak e hema, mana kaka Isaka kod Jakobo bende nodak. Gin bende Nyasaye nosesingorenigi kamano.

1 Petro 2:11

Osiepena, akwayou ni kaka un welo kendo jodak e pinyni, beduru motang’ gi gombo mag ringruok makedo gi chunyu pile.