Chakruok 22:4 - MUMA MALER 2015

⁴ Bang’ ndalo adek, Ibrahim noting’o wang’e, moneno kanyono gi kuma bor, mi nowacho ni joge niya,

Motingʼo Loko Manyien

⁴ E odiechiengʼ mar adek Ibrahim notingʼo wangʼe moneno kanyo gi kuma bor.

Chakruok 22:4 ပူးပေါင်းရင်းမြစ်များ

Chakruok 22:3

Kuom mano Ibrahim nochiew gokinyi mang’ich. Nogawo kanje, kendo nobaro yien ma nodhi wang’ogo misango. Eka nowuok gi Isaka wuode, kod jotichne ariyo, ka gichomo kuma Nyasaye nosewachone.

Chakruok 22:5

“Dong’uru ka gi kanyna, kwadhi kucha gi wuoda. Kwaselemo kuno, to wabiro duogo iru.”

2 Ruodhi 20:5

“Dogi iwach ni Hezekia ma jatend joga, ni Ruoth Nyasaye ma Nyasach Daudi kwaru owacho kama: ‘Asewinjo kwayoni, kendo aseneno pi wang’i. Omiyo abiro changi, kendo bang’ ndalo adek inidhi e Od Ruoth Nyasaye.

Wuok 15:22

Musa nogolo jo-Israel e dho Nam Makwar, kuma ne gibworoe, mi ne giwuotho e thim Shur kuom ndalo adek ma ok giyudo pi.

Wuok 19:11

To orucha nyaka gibed moikore, nikech odiechieng’no ema an Ruoth Nyasaye, nalor ewi got Sinai, kama ji duto nonenae.

Wuok 19:15

Nowachonigi niya, “Ikreuru, kendo kik uriwru gi mon, mondo orucha oyud ka usepwodhoru.”

Wuok 5:3

Ne giwachone niya, “Nyasach jo-Hibrania oseromo kodwa. Omiyo, yie iwe wadhi e wuodh ndalo adek e thim, mondo watim misango ni Ruoth Nyasaye ma Nyasachwa, nono to obiro kelonwa tho, kata lweny ma ditiekwa.”

Hosea 6:2

Bang’ ndalo ariyo kata adek obiro duogo chunywa kendo miyo wachak wadhi maber, mi wadag e nyime.

Tim jo-Lawi 7:17

To ka ring’o moko odong’ nyaka chieng’ mar adek, to nyaka wang’ie e mach.

Kwan 10:33

Ne giwuok ka gia e god Ruoth Nyasaye, mi giwuotho kuom ndalo adek, ka Sandug Muma mar Ruoth Nyasaye otelo nyimgi mabor ma dirom wuodh odiechieng’ achiel, mondo omanynigi kama ginyalo bworoe.

Kwan 19:12

Enopwodhre gi pi pwodhruok chieng’ mar adek gi chieng’ mar abiriyo, to nosik kogak.

Kwan 19:19

Ng’at ma ok ogak nyaka kir pigno kuom ng’at mogak chieng’ mar adek gi chieng’ mar abiriyo, mi chieng’ mar abiriyo nodok mopwodhore kuom gakne. Nolwok lepe, kendo nolwokre, eka nobed maler ka chieng’ opodho.

Kwan 31:19

To ng’ato ka ng’ato kuomu moseneko, kata mosemulo ng’at motho, nyaka dong’ oko mar kambi kuom ndalo abiriyo. Gudreuru chieng’ mar adek kod chieng’ mar abiriyo, kendo upwodh joma umako e lweny.

Mathayo 17:23

mi gininege, to chieng’ mar adek nochiere.” To kane jopuonjre owinjo kamano, ne gibedo gi chuny mokuyo.

Luka 13:32

To nowachonigi niya, “Dhiuru unyis andhogano ni, agolo jochiende kendo achango ji kawuono gi kiny, to chieng’ mar adek abiro tieko tija.

1 Jo-Korintho 15:4

Noyike, kendo nochier oa kuom joma otho chieng’ mar adek, bende kaka Muma wacho.

Joshua 1:11

“Wuothuru e kambi duto, kunyiso ji niya, ‘Ikreuru, nimar bang’ ndalo adek ubiro ng’ado aora Jordan, mondo ukaw piny ma Ruoth Nyasaye miyou.’ ”

1 Samuel 26:13

Daudi noidho loka machielo, mochung’ ewi got gi kuma bor, ka kindgi opogore malach.