Chakruok 22:2 - MUMA MALER 2015

² Eka Nyasaye nowachone niya, “Kaw Isaka, wuodi ma miderma kendo mihero, mondo udhigo e piny Moria. Kuchopo kuno to chiwe ka misango e wi got moro ma abiro nyisi.”

Motingʼo Loko Manyien

² Eka Nyasaye nowacho niya, “Kaw wuodi, wuodi ma miderma Isaka, kendo mi ihero mondo idhigo e gwengʼ mar Moria. Chiwe kanyo kaka misango miwangʼo pep ewi got moro ma abiro nyisi.”

Chakruok 22:2 ပူးပေါင်းရင်းမြစ်များ

Chakruok 17:19

To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Chakruok 21:12

To Nyasaye nowachone niya, “Kik chunyi chandre nikech nyathino, kata nikech Hagar jatichni, tim mana kaka Sara osewachoni, nimar joka Isaka kende ema noluong ni nyikwayi.

Chakruok 21:3

Ibrahim nochako nyinge ni Isaka (tiende ni nyiero).

Chakruok 22:12

Eka malaikano nokwere ni, “Kik ineg wuodi, kata kik itimne gimoro marach, nikech koro ang’eyo ni in ng’at moluoro Nyasaye, nimar ok isetama e wuodi ma miderma.”

Chakruok 22:16

“Ruoth Nyasaye owacho kama:

Chakruok 22:3

Kuom mano Ibrahim nochiew gokinyi mang’ich. Nogawo kanje, kendo nobaro yien ma nodhi wang’ogo misango. Eka nowuok gi Isaka wuode, kod jotichne ariyo, ka gichomo kuma Nyasaye nosewachone.

Chakruok 22:9

Kane gichopo kama Nyasaye nosenyise, Ibrahim nogero kendo-mar-misango, kendo nochanoe yien. Bang’ mano notweyo wuode, moketo e wi yien ma nosechano e kendogo.

Chakruok 8:20

Eka Nowa nogero ni Ruoth Nyasaye kendo-mar-misango, mi nokawo kit le ka le michamo kod kit winyo ka winyo michamo, motimogo ni Ruoth Nyasaye misango miwang’o pep.

2 Ruodhi 3:27

Eka nokawo wuode makayo, mane onego bed ruoth kare, mi onego ewi ohinga, mowang’o ka liswa. Kuom mano mirima maduong’ nomako jo-Israel, kendo ne giweyo kedo kode, mi gidok e pinygi.

2 Weche mag Ndalo 3:1

Solomon nochako gero Od Ruoth Nyasaye Jerusalem e laru mar Ornan ja-Jebus, mane nie got Moria. Daudi wuon mare ema noyiero laruno nikech Ruoth Nyassye nofwenyorene kanyo.

Mika 6:7

Koso Ruoth Nyasaye dibed mamor ka akelone rombe gana gi gana, kata ka akelone mor zeituni mamol ka aora? Koso onego achiw nyathina makayo ka misango mondo achulgo richona?

Johana 3:16

Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

Jo-Rumi 5:8

To gima nyisowa ni Nyasaye oherowa gi hera maduong’ en ni Kristo nothonwa kane pod wan joricho.

Jo-Rumi 8:32

Nyasaye ne ok otimo migundia kuom Wuode owuon, to ne ochiwe mi otho nikech wan duto. To kane ochiwo Wuode kamano, to ere kaka dotamre miyowa gik moko duto mogundho?

Jo-Hibrania 11:17

Yie ema nomiyo Ibrahim ochiwo Isaka ka misango, kane Nyasaye oteme. Kata obedo ni Nyasaye nosesingorene,

Jong’ad Bura 11:31

to ng’at ma nokwong wuok e dala moromo koda, ka aduogo bang’ loyo jo-Amon e lweny, nobed ng’at mowal ni Ruoth Nyasaye, kendo anachiwe ka misango miwang’o pep.”

Jong’ad Bura 11:39

Bang’ dueche ariyogo, nodwogo ir wuon mare, mi wuon notimone mana kaka nosekuong’ore. Notho nyako ngili ma pok ong’eyo chwo. Mano ema nobedo chakruok mar tim jo-Israel