Chakruok 22:14 - MUMA MALER 2015

¹⁴ Ibrahim nochako kanyo ni Jehova-jire (Tiende ni Ruoth Nyasaye e jachiwo). Pod iwacho nyaka chil kawuono ni “God Ruoth Nyasaye ema nochiwee.”

Motingʼo Loko Manyien

¹⁴ Omiyo Ibrahim nochako kanyo ni Jehova Nyasaye ma Jachiwo kendo nyaka chil kawuono iwacho niya, “E God Jehova Nyasaye ema nochiwe.”

Chakruok 22:14 ပူးပေါင်းရင်းမြစ်များ

Chakruok 22:13

Ibrahim noting’o wang’e mopo koneno im momoko gi tungene e bungu. Nokawo imno motimogo misango ni Ruoth Nyasaye kar wuode.

Chakruok 22:15

Malaika mar Ruoth Nyasaye nochako oluongo Ibrahim gie polo mowachone niya,

Chakruok 22:8

Ibrahim nodwoke ni, “Wuoda, Nyasaye owuon ema biro miyowa rombo.” Bang’ mano ne gidhi nyime gi wuodhgi kanyakla.

Chakruok 28:19

Nochako nying kanyo ni Bethel (tiende ni od Nyasaye.) To e kinde mokwongo dalano niluongo ni Huz.

Chakruok 32:30

Jakobo nowacho niya, “Aseneno Nyasaye wang’ gi wang’, to pod angima!” Omiyo nochako nying kanyo ni Peniel (tiende ni, wang’ Nyasaye).

1 Ruodhi 17:8

Eka wach Ruoth Nyasaye nobirone niya,

Wuok 17:15

Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Mika 4:10

Un jo-Jerusalem, rudhreuru arudha e lowo kuywak mana ka dhako manywol, nimar nyaka koro ua e dalau udhi udag oko e thim, kiterou Babulon, kuma Ruoth Nyasaye nokonyoue, kendo noresue kuom wasiku.

Johana 1:14

Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Rapar mar Chik 32:36

“Adier, ka Ruoth Nyasaye oneno ni joge ool, kendo ni onge kata ng’at achiel modong’ makonyogi, to obiro ng’adonigi bura maber, kendo obiro kechogi.

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.

1 Samuel 29:10

Emomiyo kiny ichiew gokinyi mang’ich, kaachiel gi jotich ruodhu ma nubirogo, kendo umondi ka piny dwaro ru, mondo udog e dala ma namiyou. To kik ibed gi chuny moro marach, nikech an to ageni chuth.”

1 Samuel 7:12

Samuel nokawo kidi, mochungo kanyo e kind Mizpa gi Jeshana. Nowacho niya, “Ruoth Nyasaye osekonyowa nyaka ka.” Omiyo nochako kidino ni Ebenezer, (tiende ni, kidi mar konyruok).