Chakruok 21:8 - MUMA MALER 2015

⁸ Nyathino nodongo, kendo chieng’ ma noweyoe dhoth, Ibrahim notimo nyasi maduong’.

Motingʼo Loko Manyien

⁸ Nyathino nodongo kendo nowe dhoth, kendo chiengʼ mane Isaka oweyoe dhoth Ibrahim notimo nyasi maduongʼ.

Chakruok 21:8 ပူးပေါင်းရင်းမြစ်များ

Chakruok 19:3

To Lut nonano ni nyaka ginind e ode, mi ne giyie. Nolosonigi chiemo, gi makati ma ok ketie thowi, mi gichamo.

Chakruok 21:7

Eka nowacho kendo niya, “Ng’ama dine nyis Ibrahim ni Sara didhodh nyathi? To koro eri osenywolo ne wuowi ka en ng’ama oti.”

Chakruok 21:9

Chieng’ moro Sara noneno Ishmael mane Hagar nyar Misri onywolo gi Ibrahim ka jotugo gi Isaka wuode.

Chakruok 26:30

Kuom mano Isaka nolosonigi chiemo, mi ne gichiemo kendo gimetho.

Chakruok 29:22

Kuom mano Laban notimo nyasi, moluongo jogweng’no duto.

Chakruok 40:20

Chieng’ mar adek nobedo chieng’ nywol Farao, mi noloso nyasi ni jotichne duto. Nogonyo jaduong jogam divai gi jaduong’ joted makati, moketogi e nyim jodonge.

2 Samuel 3:20

Abner nobiro Hebron ir Daudi, kaachiel gi ji piero ariyo mi Daudi norwakogi gi chiemo.

1 Ruodhi 3:15

Eka Solomon nochiew, moyudo ni kara en mana lek. Nodok Jerusalem, mochung’ e nyim Sandug Muma mar Ruoth Nyasaye, kotimo misengni miwang’o pep kod mag sawo, kendo noloso ni jotichne duto sawo maduong’.

Zaburi 131:2

To abolora, kendo chunya nigi kue. Kaka nyathi ling’ mos e bad min mare e kaka chunya bende ling’ mos e iya.

Hosea 1:8

Kane Gomer oseweyo dhodho Lo-ruhama, nochako omako ich, monywolo wuowi machielo.

Jong’ad Bura 14:10

Wuon Samson nodhi dalagi nyako mane Samson dwaro kendono, mi Samson noloso nyasi kuno, kaka tim yawuowi nobet e ndalogo.

Jong’ad Bura 14:12

Samson nowachonigi niya, “We agonue ngero moro. Ka unyalo hulo tiende ka pok ndalo abiriyo mag nyasi orumo, to namiu kandhe piero adek, gi nengni mabeyo bende piero adek.

1 Samuel 1:22

Hana to ne ok odhi, to nowacho ni chwore niya, “Ok nadhi nyaka nyathi we dhoth, eka natere e nyim Ruoth Nyasaye, mi nosik kuno.”

1 Samuel 1:24

Kane nyathi oseweyo dhoth, nodhi kode Shilo gi rwath ma hike adek, gi mogo ma dirom depe ariyo, gi divai e ndede mar pien, modonjo e od Ruoth Nyasaye.

1 Samuel 25:36

Kane Abigail odok dala, noyudo ka Nabal timo sawo maduong’, mana ka sap ruoth. Nabal ne mor, nikech nomer ahinya, omiyo Abigail ne ok onyise gimoro kata matin, nyaka piny oru.