Chakruok 21:7 - MUMA MALER 2015

⁷ Eka nowacho kendo niya, “Ng’ama dine nyis Ibrahim ni Sara didhodh nyathi? To koro eri osenywolo ne wuowi ka en ng’ama oti.”

Motingʼo Loko Manyien

⁷ Kendo nomedo wacho niya, “Ngʼama dine nyis Ibrahim ni Sara didhodh nyathi? To koro asenywolone wuowi ka en ngʼama oti.”

Chakruok 21:7 ပူးပေါင်းရင်းမြစ်များ

Chakruok 17:17

Ibrahim nogoyo chonge piny, mokulore nyaka e lowo, to nochako nyiero, koparo ni, “Bende ng’ato dinywol nyathi ka en jahigni mia achiel? Koso Sara nyalo nywol ka en jahigni piero ochiko?”

Chakruok 18:13

Eka Ruoth Nyasaye nopenjo Ibrahim niya, “Ang’o momiyo Sara nyiero, kawacho ni, ‘Bende danywol nyathi kasedoko moti kama?’ ”

Chakruok 21:8

Nyathino nodongo, kendo chieng’ ma noweyoe dhoth, Ibrahim notimo nyasi maduong’.

1 Ruodhi 11:20

Chiege, ma nyamin Tapenesno, nonywolone wuowi miluongo ni Genubath, ma Tapenes nopidho e od Farao; nobedo e od ruoth kaachiel gi yawuot Farao.

1 Ruodhi 3:21

Kane achiew mondo adhodh nyathina, nayudo kosetho, to kane anone maber gokinyi, nayudo ni ok en nyathi manywolo.”

Zaburi 86:10

nimar in kendi Nyasaye, ema iduong’, kendo in ema itimo gik malich ma iwuoro.

Zaburi 86:8

A Ruoth Nyasaye, onge Nyasaye moro ma romo kodi, kata ma nyalo timo gik ma itimo.

Isaya 49:21

Bang’e inipenjri niya, ‘Ere kaka ne ayudo nyithindogi duto, to nyithinda duto ne omaya, mi adong’ maonge gi nyithindo? Adier, ne oriemb joga, mi oter e tuech. Koro en ng’a mane opidhogi, ka an to ne adong’ kenda kamacha? Koso ere kaka ne ayudogi duto?’ ”

Isaya 66:8

Ooyo! Gima kamano pok owinji kata pok one. Ka kamano, to bende dichue piny moro godiechieng’ achiel? Koso oganda bende dinywol dichiel? Sayun to ne onywolo yawuote mana e sa mowinjoe muoch!

Jeremia 20:15

Okuong’ ng’at mane omiyo wuora mor, kuom kelone wach ni onywolne nyathi ma wuowi!

Kwan 23:23

Tim ajuoke onge kuom joka Jakobo, Adier, timbe ndagla onge kuom jo-Israel. Koro ma e sa monego wanyisie joka Jakobo ma jo-Israel niya, ‘Neyeuru gima Nyasaye osetimonu!’

Jo-Efeso 3:10

mondo koro kuom kanyakla mar jo-Kristo, omi joloch gi weg teko manie polo ong’e riekone mathoth mopogore opogore.

2 Jo-Thesalonika 1:10

Mano notimre chieng’ ma Ruoth obiroe mondo oyud duong’ kuom joge duto, kendo oyud luor kuom joma oyie kuome. Un bende unubed kuom jogo, nikech ne uyie wach mane wakelonu.