Chakruok 21:16 - MUMA MALER 2015

¹⁶ mobet piny kowacho niya, “Ok darang nyathina katho.” To kane pod obet kanyo, nyathi nochako ywak.

Motingʼo Loko Manyien

¹⁶ Eka nowuotho odhi nyime kama dirom fut adek kendo nobedo piny kanyo, mi nowacho e chunye niya, “Ok anyal rango nyathi katho.” Kendo kane obet machiegni kanyo, nyathi nochako ywak.

Chakruok 21:16 ပူးပေါင်းရင်းမြစ်များ

Chakruok 21:15

Kane pi moting’o oserumo, nobolo nyathi e tiend bungu. Eka nochwalore nyime ma dirom mita mia achiel,

Chakruok 27:38

To Esau nomedo penjo wuon niya, “Wuora, ne in mana gi gueth achiel kende, yie iguedha an bende.” Mi noywak malit.

Chakruok 29:11

Eka nonyodho Rahel, kendo oywak.

Chakruok 44:34

Ere kaka dadog ir wuora nono, ka aonge kode? Ok danyal neno masira ma doyudno.”

1 Ruodhi 17:12

En to nodwoko ni, “Gi nying Ruoth Nyasaye ma Nyasachi, aonge gi gimoro motedi, mak mana sanja mar mogo modong’ e dak, kod mo matin e agulu. Koro eka adondo yien matin, mondo adhi atedgo chiemo, wacham gi wuoda, aye watho.”

1 Ruodhi 3:26

To dhako mane nyathine ngima nohero wuode ahinya, omiyo nosayo ruoth, kowacho niya, “Yaye ruoth, mi dhani nyathi mangima, to kik inege ngang’!” To dhako machielo nowacho ni, “Ok enobed mara kata mari. Poge apoga!”

Isaya 49:15

To wi dhako bende diwil gi nyathi mane odhodho? Koso wiye diwil adier gi wuode mane onywolo? Kata ka obedo ni wiye nyalo wil, an to wiya ok diwil kodi.

Jeremia 6:26

To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Luka 15:20

“Kamano noa malo, mochako wuoth madok ka wuon mare. To kane pod en mabor gi dala, wuon mare nonene. Nokeche, mi oringo okwake, monyodhe.

Jong’ad Bura 2:4

Kane malaika mar Ruoth Nyasaye osewacho ni jo-Israel wechego, ne giywak malit giduto.

Ruth 1:9

Ruoth Nyasaye mondo oguedhu, kendo ng’ato ka ng’ato obed mamor e ode kokende.” To kane ogoyonigi oriti, ne gichako ywak matek,

1 Samuel 24:16

Kane Daudi otieko nyiso Saulo wechegi, Saulo nopenje niya, “Daudi wuoda, mano dwondi koso?” Eka noywak matek,

1 Samuel 30:4

Daudi gi joge noywak matek, nyaka teko ma di gimed ywakgo orumo.