Chakruok 20:6 - MUMA MALER 2015

⁶ Nyasaye nodwoke niya, “Ee, ang’eyo ni isetimo kamano kikia. Kuom mano ne ok ayie mondo iriwri kode, mi iketh e nyima.

Motingʼo Loko Manyien

⁶ Eka Nyasaye nowachone e lek niya, “Ee angʼeyo ni nitimo ma kod paro malongʼo omiyo aseriti mondo kik iketh e nyima. Mano ema nomiyo ok ayieni mondo iriwri kode.

Chakruok 20:6 ပူးပေါင်းရင်းမြစ်များ

Chakruok 26:11

Eka Abimelek nochiko joge duto, kosiemogi ni, “Ng’at ma nomul Isaka kata chiege, to nonegi!”

Chakruok 3:3

to mak mana olemb yath manie dier puodho ema ok wanyal chamo. Nyasaye nokwerowa ni kik wacham olemb yadhno, kendo kik wamule, nimar kwatimo kamano, to wanatho.”

Chakruok 31:24

To Nyasaye nofwenyore ni Laban ja-Aram e lek gotieno, mowachone niya, “Kik iwach ni Jakobo gimoro amora.”

Chakruok 31:7

En to, osewuonda, moloko pokna nyadipar. To kata kamano, Nyasaye ne ok oweyo ohinya.

Chakruok 35:5

Kane Jakobo gi yawuote owuok, luoro maduong’ moa kuom Nyasaye nomako ji modak e miech pinyno, mi ne ok gilawo Jakobo gi yawuote.

Chakruok 39:9

Osemiya teko marom gi mare e ode, kendo ok osetuona gimoro amora mak mana in, to nikech in chiege. Koro, ere kaka danyal timo richo machal kamano, kabedo jaketho e nyim Nyasaye?”

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Zaburi 81:12

Kuom mano, ne aweyogi mondo gidhi, ka wigi tek kamano, mondo gitim mana gik ma gin giwegi ema gidwaro.

Zaburi 84:11

Ruoth Nyasaye e ohinga ma wageng’orego kendo e okumbawa. En ema oguedhowa gi ng’wono kod duong’. Ok otuon joma timo gik makare gimoro amora maber.

Wuok 34:24

nimar kaseriembonu ogendini ma weg pinyno, kendo ayaro pinyu, to onge wasigu ma notem kawo pinyu e kinde adek mubiro biroe e nyima higa ka higa.

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Ngeche 6:29

Mano e kaka ng’at materore gi chi wadgi chalo. Omiyo ng’ato ang’ata motimo kamano ok notony mak oyudo kum.

Tim jo-Lawi 6:2

Ka ng’ato oketho, motimo gima rach e nyim Ruoth Nyasaye, mokuong’ore gi miriambo, kowuondo wadgi kuom gima nomiye mondo okan, kata kuom gima osingne, kata kuom gima osekwalo, kata kosechamo malang’,

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”

1 Jo-Korintho 7:1

To koro adwaro dwokou kuom weche mane undiko. Nupenja ka en gima ber mondo ng’ama dichwo kik bed gi dhako.

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

2 Jo-Thesalonika 2:11

Mano emomiyo Nyasaye ooronigi teko moro mondo owuondgi, kendo omi giyie gima ok adier.

2 Jo-Thesalonika 2:7

Teko mopondo mar tich Chayo Chik koro tiyo ling’ling’, to ka jal ma koro sindo Ng’at Mochayo Chik ogol oko, to tekono nofwenyre.

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.

1 Samuel 25:34

Adier, gi nying Ruoth Nyasaye ma Nyasach Israel, mosegeng’a ni kik atimni malit, ka da ok ireto ka ibiro romona, to kiny ka piny oru ok dodong’ni Nabal kata ng’ama dichwo achiel.”