Chakruok 20:3 - MUMA MALER 2015

³ To Nyasaye nofwenyore ni Abimelek e lek gotieno, mowachone niya, “Ibiro tho, nikech dhako misekawono en chi ng’ato.”

Motingʼo Loko Manyien

³ To Nyasaye nofwenyore ne Abimelek e lek gotieno kendo owachone niya, “Dine ber ka itho nikech dhako ma ikawono; en chi ngʼato.”

Chakruok 20:3 ပူးပေါင်းရင်းမြစ်များ

Chakruok 12:17

To Ruoth Nyasaye nosando Farao gi joode gi tuoche madongo nikech osekawo Sarai chi Abram.

Chakruok 12:18

Kuom mano Farao noluongo Abram, mopenje niya, “Ang’o momiyo isetimona kama? Ere gima omiyo ne ok inyisa ni Sarai en chiegi?

Chakruok 20:7

Koro dwok dhakono ni chwore. Chworeno en janabi, omiyo obiro lemoni mondo kik itho. To ka ok idwoke, to ibiro tho gi joodi duto!”

Chakruok 28:12

To konindo, noleko ni oneno raidhi mochung’ koa e piny, mochopo e polo. To malaika mag Nyasaye ne luwo raidhino, kaidho malo, kendo kalor piny.

Chakruok 31:24

To Nyasaye nofwenyore ni Laban ja-Aram e lek gotieno, mowachone niya, “Kik iwach ni Jakobo gimoro amora.”

Chakruok 37:5

Chieng’ moro Josef noleko lek, to ka nonyiso owetene, ne gimedo mana mon kode.

Chakruok 37:9

Bang’e Josef nochako oleko lek machielo, mowacho ni owetene niya, “Nende aleko lek moro ni aneno wang’ chieng’ gi due kod sulue apar gachiel ka kulorena.”

Chakruok 40:5

Bang’ bedo e od tuech kuom kinde moromo, jaduong’ jagam divai gi jaduong’ jated makati ne joleko lek. Nga’to ka ng’ato noleko lekne owuon, kendo lek ka lek ne nigi tiende.

Chakruok 40:8

Ne gidwoke ni, “Waduto nende waleko lek mopogore opogore, to onge ng’ama nyalo lokonwa tiendgi.” Josef nowachonigi niya, “Donge teko mar loko lek a mana kuom Nyasaye? Emomiyo yieuru unyisa lekugo.”

Chakruok 46:2

Nyasaye nofwenyorene gotieno, ka luonge niya, “Jakobo, Jakobo.” Nodwoke ni, “An ka.”

1 Weche mag Ndalo 16:21

Ruoth Nyasaye ne ok oyie mondo ng’ato otimnigi tim mamono, nikech noherogi. To nokwero ruodhi, kowachonigi niya,

Ayub 33:15

Nyasaye wuoyo e lek kendo e fweny mabiro ni ji gotieno ka ji nindo.

Ayub 33:17

Nyasaye wuoyonigi mondo giwe timo richo, kendo mondo kik gibed joma sungore.

Zaburi 105:14

to Ruoth Nyasaye ne ok oyie mondo ng’ato othirgi, nikech noherogi. Bende ne okwero ruodhi, kowachonigi niya,

Jona 3:4

Jona nodonjo e dala, mowuotho kuom odiechieng’ achiel. Eka nogoyo milome kama: “Bang’ ndalo piero ang’wen, ibiro ketho Nineve!”

Kwan 22:9

Eka Nyasaye nofwenyore ni Balaam, mopenje niya, “Joma olimigo oa kanye?”

Mathayo 1:20

To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

Mathayo 27:19

Kane oyudo obet e kom ng’ado bura, chiege noorone wach niya, “Kik imul wach ng’at makareno, nikech wachne nende ochanda ahinya e lek gotieno.”