Chakruok 20:16 - MUMA MALER 2015

¹⁶ Nonyiso Sara bende niya, “Asemiyo owadu fedha alufu achiel mondo obed ranyisi ni jou duto ni ionge gi ketho, kendo mondo ging’e ni ok isetimo gimoro marach.”

Motingʼo Loko Manyien

¹⁶ Nonyiso Sara bende niya, “Asemiyo owadu shekel mar fedha maromo alufu achiel mondo obed ranyisi ne jou duto ni ionge gi ketho; nikech ok isetimo gimoro amora marach.”

Chakruok 20:16 ပူးပေါင်းရင်းမြစ်များ

Chakruok 20:17

To noyudo ka Ruoth Nyasaye osetamo mon duto mane ni e dala Abimelek nywol nikech gima nosetimore ni Sara chi Ibrahim. To kane Ibrahim olamo Nyasaye, Abimelek gi chiege kod mon ma wasumbe nochango, mi ne gichako nywolo nyithindo kendo.

Chakruok 20:5

Donge Ibrahim owuon ema nonyisowa ni Sara en nyamin mare, to Sara bende nosire kowacho ni en owadgi? Omiyo natime ratiro kakia gima rachie.”

Chakruok 24:65

mopenjo jatich Ibrahim niya, “Macha ng’a, mawuotho e pap ka biro romonwa cha?” Ng’atno nodwoke ni, “Macha ruodha.” Kane Rebeka owinjo kamano, nokawo nanga, moumogo wang’e.

Chakruok 26:11

Eka Abimelek nochiko joge duto, kosiemogi ni, “Ng’at ma nomul Isaka kata chiege, to nonegi!”

Ngeche 12:1

Ng’at ma ohero rieko bedo mamor ka onyise gima rach ma osetimo, to ng’at motamore ni kik rieye chalo mana le.

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 27:5

Kwero ng’ato ratiro ber moloyo here, to ok inyise kethone.

Jona 1:6

Jatend yie nopo konwang’o Jona kanyo, mopenje niya, “Ang’o momiyo inindo aninda? Chungi mondo iywag ni nyasachi, dipo ka owinjo moresowa.”

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.