Chakruok 2:8 - MUMA MALER 2015

⁸ Bang’e Ruoth Nyasaye noloso puodho e Eden, yo wuokchieng’, mi oketoe dhano mane osechueyo.

Motingʼo Loko Manyien

⁸ Eka Jehova Nyasaye noloso puodho ma yo wuok chiengʼ mar Eden, kendo noketoe dhano mane osechweyo.

Chakruok 2:8 ပူးပေါင်းရင်းမြစ်များ

Chakruok 13:10

Lut norango koni gi koni, moneno ka holo mar aora Jordan nyaka Zoar nigi pi mang’eny, machal gi puoth Ruoth Nyasaye kata ka piny Misri. (Mano notimore kane pok Ruoth Nyasaye oketho Sodom gi Gomora.)

Chakruok 3:23

Kuom mano, Ruoth Nyasaye noriembe e puoth Eden, motere mondo odhi opur lowo mane osechweyego.

Chakruok 3:24

Kamano noriembo dhano, mi noketo gik moko machalo gi malaika miluongo ni kerubi kaachiel gi ligangla mamil kendo rundore koni gi koni, yo wuokchieng’ mar puoth Eden, mondo ogeng’ ni ji madwaro dhi but yath mar ngima.

Chakruok 4:16

Eka Kain noa e nyim Ruoth Nyasaye, modhi odak e piny miluongo ni Nod, yo wuokchieng’ mar Eden.

2 Ruodhi 19:12

Kwerena nonego jo-Gozan gi jo-Haran gi jo-Rezef kod jo-Eden ma nodak Telasar. Koro dak ne nyisechegi okonyogi?

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Ezekiel 27:23

Joma ne odak e mier ma Haran gi Keneh gi Eden gi Ashur kod Kilmad, kaachiel gi joohala mag Sheba, duto ne joloko ohala kodi.

Ezekiel 28:13

Ne idak Eden, puoth Nyasaye, kendo ne ilichori gi gik molos gi dhahabu, kod kite mopogore opogore ma nengogi tek, kaka sardius gi topaz gi diamond gi berul gi oniks gi jasper gi safir gi emerald kod karbunkel. Ne olosnigi mana chieng’ mane ochueyie.

Ezekiel 31:16

Ka awite mwalo e Piny Joma Otho, to koko mopodhogo nobwog ogendini duto. Yien duto mag Eden gi yiend Lebanon mabeyo mayudo pi mang’eny nobed mamor e piny mamwalono.

Ezekiel 31:18

“Yadhno en ruodh Misri, kaachiel gi ogandane duto. Kuom yien duto mag Eden, onge moro marabora kendo ma mako wang’ moloye. To koro obiro dhi mwalo e Piny Joma Otho mana ka yiend Eden mamoko, mi obed gi joma kia Nyasaye, kod joma ne oneg e lweny. An Ruoth Nyasaye ema awacho kamano.”

Joel 2:3

Gichamo oboke mana ka gima mach owang’o! Piny ma pok gichopoe ber ka puoth Eden, to ka giseaye, to odong’ motwo tarara. Onge gima giweyo mak gichamo.