Chakruok 2:7 - MUMA MALER 2015

⁷ Eka Ruoth Nyasaye nokawo lowo monywaso, kendo ochweyogo dhano. Nokudho much ngima e um dhano, mi dhano nobedo gi ngima.

Motingʼo Loko Manyien

⁷ Eka Jehova Nyasaye nochweyo dhano gi lowo kendo nokudho muya mar ngima ei ume, mi dhano nobedo mangima.

Chakruok 2:7 ပူးပေါင်းရင်းမြစ်များ

Chakruok 1:27

Kamano Nyasaye nochueyo dhano e kido machal kode. Nochueyogi dichwo gi dhako,

Chakruok 2:6

To kata obedo ni koth ne onge kamano, pi ne wuok e lowo, kendo ne miyo piny bedo mangich.

Chakruok 3:19

Inicham kuon gi luya, nyaka idog e lowo, nikech kanyo ema ne ogolie. In lowo, kendo lowo ema nidogie.”

Chakruok 3:23

Kuom mano, Ruoth Nyasaye noriembe e puoth Eden, motere mondo odhi opur lowo mane osechweyego.

Chakruok 7:22

Kamano gik moko duto mangima manie piny notho.

Ayub 27:3

ni, e kinde duto moweya ka angima,

Ayub 33:4

Roho mar Nyasaye ema ne ochueya kendo omiya ngima.

Ayub 33:6

In Ayub, wachalre kodi e nyim Nyasaye, nimar waduto ne ochwewa mana gi lowo.

Ayub 4:19

koro ere kaka dogen dhano ma ochwe mana gi lowo, kendo molos mana gi buru, ma inyalo ng’inyo ka oguyo?

Zaburi 100:3

Ng’euru ni Ruoth Nyasaye e Nyasaye. En ema ne ochueyowa, kendo wan mage. Adier, wan joge, kendo oritowa kaka jakwath rito jambe.

Zaburi 103:14

En ong’eyo gima ochuewago. Ong’eyo ni wan mana buru.

Ngeche 20:27

Ruoth Nyasaye menyo chuny dhano hie, kononogo parone maiye.

Eklesiastes 12:7

Ringrewa biro dok e lowo, kendo muya mar ngima biro dok ir Nyasaye mane omiyowago.

Eklesiastes 3:7

kinde mar yiecho gimoro, gi kinde mar bepo, kinde mar ling’, gi kinde mar wuoyo,

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Isaya 64:8

To kata kamano, A Ruoth Nyasaye in e wuonwa. Wan lop chuech, to in e jachwechwa, kendo wan duto wan tich lweti.

Ywagruok 4:20

Ruoth mane Nyasaye oyiero, kendo ma wakwano ka ngimawa, ne gimako e bur mane gikunyo. To en e jal mane waparo ni dwadag e bwo tipone e kind ogendini.

Ezekiel 37:5

An Ruoth Nyasaye awachonu kama: Abiro miyo muya lor kuomu, mi uchak ubed ji mangima.

Ezekiel 37:6

Abiro keto leche kuomu, mi amiu ring’o kod pien. Eka anami muya donj kuomu, mi uchak ubed ji mangima. Bang’ mano, unung’e ni an e Ruoth Nyasaye.’ ”

Zekaria 12:1

Ma en wach Ruoth Nyasaye kuom Israel: Ruoth Nyasaye mane oyaro polo, kendo oketo mise mar piny, mi omiyo dhano much ngima wacho kama:

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

Kwan 27:16

“A Ruoth Nyasaye ma Nyasach ngima, yier jatelo ni ogandani,

Johana 20:22

Kane osewacho kamano, nokudho muche kuomgi, mowachonigi niya, “Nwang’uru Roho Maler.

Tich Joote 17:25

To bende kata obedo ni oyie mondo dhano otine, to onge gima ochando, nikech en owuon ochiwo ngima kod gik moko duto ni ji duto.

Jo-Rumi 9:20

To an adwoke ni, in dhano adhanani, in ng’a, ma dipenj Nyasaye wach?

1 Jo-Korintho 15:45

Mano emomiyo Muma wacho niya, “Adam, dhano mokwongo, nodoko ng’at man gi ngima, to Adam ma achien nodoko Roho machiwo ngima.”

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

2 Jo-Korintho 4:7

To wan ma wan gi mwandu mar chuny, wachalo mana agulini mag lowo, mondo onenre ni teko maduong’ ahinyano oa kuom Nyasaye, to ok oa kuomwa wawegi.

2 Jo-Korintho 5:1

Wang’eyo ni ka ringrewa, ma en kiru mwadakie e pinykani, omuki, to wan gi ot ma Nyasaye osegeronwa e polo. En ot mosiko nyaka chieng’, ma ok oger gi lwet dhano.

1 Timotheo 2:13

nikech Adam ema nochue mokwongo, eka ochue Hawa.

Jo-Hibrania 12:9

To bende wuonewa mag pinyni ne kumowa, kendo ne wamiyogi luor kaka owinjore. To koro Wuonwa mar chuny dwami luor malich machal nadi mondo wayud ngima!