Chakruok 2:2 - MUMA MALER 2015

² Chieng’ mar auchiel Nyasaye notieko gik moko duto mane otimo, eka noweyo tijene duto mi oyueyo chieng’ mar abiriyo.

Motingʼo Loko Manyien

² E odiechiengʼ mar abiriyo Nyasaye nosetieko tichne mane osebedo ka otimo; omiyo odiechiengʼ mar abiriyo noyweyo kuom tijene duto.

Chakruok 2:2 ပူးပေါင်းရင်းမြစ်များ

Chakruok 1:31

Eka Nyasaye nong’iyo gik moko duto mane osechueyo, kendo noneno ni gibeyo ahinya. Piny noyuso kendo noru, mi mano nodoko chieng’ mar auchiel.

Chakruok 2:3

Noguedho chieng’ mar abiriyo, kendo nowale mondo obed maler, nikech chieng’no ema noyueyoe bang’ chueyo gik moko duto.

Wuok 23:12

“Unuti kuom ndalo auchiel, to chieng’ mar abiriyo kik uti, mondo dhou gi kenjeu oyue, kendo mondo chuny wasumbu kod chuny jodak oduogi.

Wuok 31:15

Unyalo tiyo tijeu kuom ndalo auchiel, to chieng’ mar abiriyo en chieng’ yueyo maler, mowal ni Ruoth Nyasaye. Ng’ato ang’ata ma noti chieng’ Sabato nyaka negi.

Wuok 31:17

En ranyisi mochwere manie kinda kod jo-Israel, nimar an Ruoth Nyasaye, nachueyo polo gi piny kuom ndalo auchiel, to chieng’ mar abiriyo naweyo tich, mayueyo.’ ”

Isaya 58:13

Ka urito chieng’ Sabato maler, ma ok utiyo tijeu uwegi, kendo ka ok utimo gik ma un ema udwaro chieng’no, to uhulo ni chieng’no en chieng’ mor, kendo chiengg’ mowal ni Ruoth Nyasaye, kendo umiyo Ruoth Nyasaye duong’ kuom weyoo loko ohala, kendo kuweyo weche manono,

Johana 5:17

To Yesu nodwokogi niya, “Wuora pod tiyo nyaka chil kawuono, kendo an bende atiyo mana kamano.”

Rapar mar Chik 5:14

to chieng’ mar abiriyo en chieng’ yueyo mowal ni Ruoth Nyasaye ma Nyasachu. Chieng’no un, kaachiel gi yawuotu kod nyiu, kata wasumbu machwo gi mamon, kata ruethu kata kenjeu kata dhou, kata mana jodak manie miechu kik ti tich moro. Mano en ni mondo wasumbu machwo gi mamon oyue kaka un bende uyueyo.

Jo-Hibrania 4:10

nimar ka ng’ato odhi yueyo gi Nyasaye to oweyo tichne owuon mi oyueyo, mana kaka Nyasaye bende noweyo tichne ni oyueyo.

Jo-Hibrania 4:4

mana kaka Muma wacho kamoro kuom ndalo mar abiriyo niya, “Nyasaye noweyo tijene duto, mi oyueyo chieng’ mar abiriyo.”