Chakruok 19:3 - MUMA MALER 2015

³ To Lut nonano ni nyaka ginind e ode, mi ne giyie. Nolosonigi chiemo, gi makati ma ok ketie thowi, mi gichamo.

Motingʼo Loko Manyien

³ To Lut nonano ni nyaka ginind e ode. Eka ne olosonegi chiemo, kendo notedonigi makati ma ok oketie thowi mi gichiemo.

Chakruok 19:3 ပူးပေါင်းရင်းမြစ်များ

Chakruok 19:2

Nowachonigi niya, “Jodongo, yieuru uraw e oda mondo uluok tiendu, kendo unindi. Eka kiny unyalo wuok gokinyi.” To ne gidwoke niya, “Ooyo, wabiro nindo mana e laru ka.”

Chakruok 21:8

Nyathino nodongo, kendo chieng’ ma noweyoe dhoth, Ibrahim notimo nyasi maduong’.

Chakruok 24:31

Nowachone niya, “Donji, in ng’at ma Ruoth Nyasaye oseguedho. Ere gimomiyo pod ichung’ oko? Aseikoni ot, kendo nitie kama ngamia nyalo betie.”

Chakruok 26:30

Kuom mano Isaka nolosonigi chiemo, mi ne gichiemo kendo gimetho.

2 Ruodhi 4:8

Chieng’ moro, Elisha nodhi Shunem, kuma dhako moro ma jamoko nodakie. Dhakono nochune mondo ochiem e ode. Bang’ mano, kinde duto mane Elisha luwoe yorno, nothoro rawo kanyo mondo ochiemie.

Wuok 12:15

Nyaka ucham makati ma ok ketie thowi kuom ndalo abiriyo. Chieng’ mokwongo, nyaka ugol thowi duto manie uteu, nimar ka ng’ato kuomu ochamo makati moketie thowi chakre chieng’ mokwongo nyaka chieng’ mar abiriyo to nong’ad kare oko kuom oganda jo-Israel.

Wuok 12:39

Ne gikawo mogo modwal mane giago Misri, mi gitedogo makati ma ok oketie thowi. Ne ok oketie thowi nikech ne oriembgi gia Misri apoya. Bende ne ok giyudo thuolo kata mana mar tedo chiemo ma gidhi chamo e wuoth.

Luka 11:8

To awachonu ni kata ka ng’atno ok oyie chung’ mondo omiye makati nikech wach mar osiepgi kode, to kinda ma jalo timo biro miyo ochung’, mi omiye gik moko duto modwaro!

Luka 14:23

Eka ruodhe nochako owachone ni, ‘Dhiyo e wang’yore kod gweng’ duto, iwach ni ji kijiwogi ni nyaka gibi mondo oda opong’ thich!

Luka 5:29

Bang’e Lawi notimo ni Yesu sawo maduong’ e ode, kendo josol osuru mang’eny, kaachiel gi joma moko nochiemo kodgi kanyo.

Johana 12:2

Ne giselosone chiemo kuno, kendo Maritha ema notiyonigi, to Lazaro ne achiel kuom joma ne chiemo gi Yesu.

1 Jo-Korintho 5:8

Emomiyo koro watimuru sawo mana gi makati ma ok ketie thowi, tiende ni makati mar chuny ler kod adiera, to ok makati moketie thowi machon mar himruok kod richo.

2 Jo-Korintho 5:14

nimar hera mar Kristo oloyowa chuth. Waseng’eyo malong’o ni ng’at achiel notho ni ji duto, omiyo ji duto bende ne otho.

Jo-Hibrania 13:2

Kik uwe mak urwako welo e miechu, nikech rwako welo nomiyo jomoko opo mana korwako malaika!

Jong’ad Bura 6:19

Kamano Gideon nodhi moyang’o nyadiel kendo otedo. Nokawo mogo ma dirom kilo piero ariyo molosogo makati ma ok ketie thowi. Noketo ring’o e adita to kado noolo e tawo, eka nokelo ni malaika mar Ruoth Nyasaye e tiend yath.

1 Samuel 28:24

Dhakono ne nigi nyarwath machwe e ot kanyo. Noreto moyang’o nyarwadhno piyopiyo. Bende nokawo mogo, modwalo, kendo olosogo makati, ma ok oketie thowi.