Chakruok 19:21 - MUMA MALER 2015

²¹ Nodwoke niya, “Ayie kwayoni, kendo ok naketh dala miwachono.

Motingʼo Loko Manyien

²¹ Nowachone niya, “Mano ber, kwayonino bende abiro rwako; kendo ok naketh dala miwachono.

Chakruok 19:21 ပူးပေါင်းရင်းမြစ်များ

Zaburi 145:19

Ji duto ma oluore, omiyo gik moko duto ma gichando, bende owinjo ywakgi, kendo oresogi.

Zaburi 102:17

Enowinj ywak joge mosejwang’, kendo enochik ite ni lemogi.

Zaburi 34:15

Ruoth Nyasaye rango joma kare gi ng’wono, kendo pile oyie winjo ywakgi.

Jo-Hibrania 2:17

Mano emomiyo nyaka ne obed machalo gi owetene e yore duto, mondo odog jadolo maduong’ mang’won kendo maradier, matiyo e nyim Nyasaye, katimo misango migologo richo mag jo-Nyasaye.

Luka 11:8

To awachonu ni kata ka ng’atno ok oyie chung’ mondo omiye makati nikech wach mar osiepgi kode, to kinda ma jalo timo biro miyo ochung’, mi omiye gik moko duto modwaro!

Mathayo 12:20

Kata mana odundu motore ok enotur, mi owit ka gima nono, kendo ok nosim kata mana taya maliel marachrach, nyaka chop okel bura makare kuonde duto.

Chakruok 18:24

Ka nitie ji piero abich makare e dala, diketh dalano, koso diweye mondo ires ngima ji piero abich makarego?

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 4:7

Kitimo maber, donge diyieni? To kitimo marach, to richo okichore e dhoodi, mondo oloyi. To in nyaka item matek mondo iloye.”

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Chakruok 19:20

To nitie dala morio matin man machiegni ma anyalo chopoe piyopiyo. En mana dala matin, omiyo yienauru aring achop kuno mondo ares ngimana.”

Chakruok 19:22

To mak mana ni ring kuno piyopiyo, nikech ok anyal timo gimoro ka pok ichopo kuno.” Mano emomiyo dalano ne oluong ni Zoar, (tiende ni matin.)

1 Samuel 25:35

Eka Daudi nokawo gik mane Abigail okelone, mi owachone niya, “Dog dala gi kue. Asewinjo gima ikwayo, kendo ayiego.”

Wuok 33:17

Mi Ruoth Nyasaye nodwoko Musa niya, “Abiro timo mana kaka isekwayo, nikech amor kodi, kendo ang’eyi maber.”