Chakruok 19:2 - MUMA MALER 2015

² Nowachonigi niya, “Jodongo, yieuru uraw e oda mondo uluok tiendu, kendo unindi. Eka kiny unyalo wuok gokinyi.” To ne gidwoke niya, “Ooyo, wabiro nindo mana e laru ka.”

Motingʼo Loko Manyien

² Nowachonegi niya, “Jodongo, yieru uraw e od jatichu mondo ulwok tiendeu kendo unindi eka kiny unyalo dhi gokinyi.” To negiwacho niya, “Ooyo, wabiro nindo mana e laru kae.”

Chakruok 19:2 ပူးပေါင်းရင်းမြစ်များ

Chakruok 18:4

Weuru aomnu pi mondo uluokgo tiendu, kendo uyue e tiend yadhni.

Chakruok 19:1

Malaika ariyogo nochopo Sodom kar ang’ich welo, moyudo ka Lut obet e dhoranga dalano. Kane onenogi, nodhi mondo oromnigi, mi nogoyo chonge piny e nyimgi, mokulore nyaka e lowo.

Chakruok 19:3

To Lut nonano ni nyaka ginind e ode, mi ne giyie. Nolosonigi chiemo, gi makati ma ok ketie thowi, mi gichamo.

Chakruok 24:31

Nowachone niya, “Donji, in ng’at ma Ruoth Nyasaye oseguedho. Ere gimomiyo pod ichung’ oko? Aseikoni ot, kendo nitie kama ngamia nyalo betie.”

Chakruok 43:24

Kane jaduong’ od Josef oserwakogi e ot, nomiyogi pi mondo gilwokgo tiendegi, kendo momiyo kenjegi chiemo.

2 Samuel 11:8

Bang’e Daudi nowachone niya, “Dhiyo e odi mondo iyue.” Kane Uria owuok e od ruoth, ruoth noorone chiemo moa e mesane owuon.

Ayub 31:32

Jowuoth bende aserwako e dalana, kendo pok aweyo ginindo e yo.

Ngeche 25:17

Kamano bende kik ilim wadu pile pile, nikech dipo ka ojok kodi, mi ochayi.

Wer Mamit 5:3

Ne adwoke niya, “To sani aselonyora. Idwaro ni mondo achak arwakra koso? Bende aselwoko tienda. Koso idwaro ni mondo achak anyon piny?”

Luka 7:44

Bang’ mano, nolokore, mong’iyo dhakono, mi openjo Simo niya, “Ineno dhakoni? Nende abiro e odi, to ne ok imiya pi mondo alwokgo tienda. En to oselwoko tienda gi pi wang’e, kendo oyweyo gi yie wiye.

Johana 13:5

Noolo pi e karaya, mi ochako lwokogo tiend jopuonjrene, kendo oyweyo gi taulo mane osetweyo e nungone.

Tich Joote 16:15

Eka ne obatise kaachiel gi joode. Bang’ mano noluongowa e ode, kowacho ni, “Ka useneno ni ayie adier kuom Ruoth, to biuru e oda.” Eka nomiyo wadhi e ode.

Jo-Hibrania 13:2

Kik uwe mak urwako welo e miechu, nikech rwako welo nomiyo jomoko opo mana korwako malaika!