Chakruok 19:16 - MUMA MALER 2015

¹⁶ To kane gineno ni pod odigni, ne gimako lwete, mi gigole e dalano kaachiel gi chiege kod nyige, nikech Ruoth Nyasaye nokeche.

Motingʼo Loko Manyien

¹⁶ Kane pod gidigni, malaika ariyogo nomako lwete gi lwet chiege kod lwet nyige ariyo ma gigologi oko mar dala maduongʼni, nikech Jehova Nyasaye nokechogi.

Chakruok 19:16 ပူးပေါင်းရင်းမြစ်များ

Chakruok 19:15

Kane piny oru, malaikago norungo Lut mondo owuogi, ka giwachone niya, “Tim piyo! Kaw chiegi gi nyigi ariyo man ka, nono to ibiro tho sa mikethoe dalani.”

Chakruok 43:10

Ka dabed ni ok waseketho kindegi duto, di koro wasechopo kuno, kendo duogo nyadiriyo.”

1 Weche mag Ndalo 16:34

Gouru erokamano ni Ruoth Nyasaye, nikech ober, kendo herane mosiko ochwere.

Zaburi 103:13

Ruoth Nyasaye ohero joma oluore, mana kaka wuoro ohero wuode.

Zaburi 106:1

Pakuru Ruoth Nyasaye! Bende goneuru erokamano nikech ober, kendo herane mosiko ochwere.

Zaburi 106:8

To kata kamano, ne oresogi kaka ne osesingore, mondo onyisgo tekone maduong’!

Zaburi 107:1

Gouru erokamano ni Ruoth Nyasaye, nikech ober, kendo herane mosiko ochwere.

Zaburi 111:4

Ruoth Nyasaye ok we wiwa wil gi timbene madongo. Ong’won kendo okecho ji.

Zaburi 118:1

Gouru ni Ruoth Nyasaye erokamano, nimar ober, kendo herane osiko ochwere.

Zaburi 119:60

Areto mak ariwra mondo arit chikeni.

Zaburi 136:1

Gouru ni Ruoth Nyasaye erokamano, nikech ober, kendo herane mosiko ochwere.

Zaburi 32:10

Joricho biro yudo thagruok, to hera mosiko mar Ruoth Nyasaye rito joma ogeno kuome.

Zaburi 33:18

To Ruoth Nyasaye ema rango joma oluore, kendo ma ogeno kuom herane mosiko.

Zaburi 33:19

Oresogi e tho, kendo oritogi e ndalo kech.

Zaburi 34:12

Donge duher bedo mamor? Koso donge dudwar dak aming’a gi mor?

Zaburi 86:15

Ruoth, in e Nyasaye ma jang’wono kendo makecho ji. Iyi ok wang’ piyo, kendo inyiso adierani kod herani mosiko.

Zaburi 86:5

A Ruoth Nyasaye, iber kendo ing’wono ni ji, bende inyiso herani mogundho ni ji duto maywakni.

Wuok 34:6

Nokadho e nyim Musa, kowacho gi dwol maduong’ niya, “An JEHOVA. An Ruoth Nyasaye, an Nyasaye ma jang’wono kendo makecho ji. Iya ok wang’ piyo, kendo anyiso hera mosiko kod adiera.

Wuok 34:7

Arito singruokna masetimo gi ji gana gi gana, kendo aweyonigi rochruokgi gi kethogi kod richogi, to kata kamano ok akwan jaketho ka ng’ama ler, to akumo nyithindo gi nyikwayo nyaka tieng’ mar adek kod mar ang’wen nikech richo kweregi.”

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Ywagruok 3:22

hera mosiko mar Ruoth Nyasaye ochwere, kendo ng’wonone ok rum.

Kwan 14:18

‘Ruoth Nyasaye ok kech piyo, kendo onyiso herane mosiko, koweyo ni ji kethogi gi richogi, to kata kamano ok okwan jaketho ka ng’ama ler, to okumo nyithindo nyaka tieng’ mar adek kod mar ang’wen nikech richo kweregi.’

Luka 18:13

Jasol osuru to ne ochung’ gi chien kendo ne pok ohedhore kata mana ting’o wiye mondo orang polo, to noywagore malit, kowacho ni, ‘A Nyasaye, yie ikecha, an ma an jarichoni.’ ”

Johana 6:44

Onge ng’ama nyalo biro ira mak mana ka Wuoro mane oora ema okele; kendo anachiere chieng’ giko piny.

Jo-Rumi 9:18

Kuom mano waneno ni ka Nyasaye dwaro timo ni ng’ato ng’wono, to otimo atima. Bende ka odwaro ni mondo omi chuny ng’ato odok matek, to otimo atima kamano.

2 Jo-Korintho 1:3

Duong’ obed ni Nyasaye ma wuon Ruodhwa Yesu Kristo. En e wuon ng’wono kendo makonyowa e yore duto.

Rapar mar Chik 4:31

Ruoth Nyasaye ma Nyasachu en Nyasaye mang’won, omiyo ok nojwang’u, kata kethou ok nokethu, kendo wiye ok nowil gi singruok ma notimo gi kwereu kokuong’ore.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.

Rapar mar Chik 6:21

To nudwokgi niya, ‘Ne wan wasumb Farao e piny Misri, to Ruoth Nyasaye nogolowa kuno gi teko maduong’.’

Rapar mar Chik 7:8

Noyierou mana nikech noherou, kendo nikech norito singruok mane otimo ni kwereu. Mano emomiyo nogolou gi tekone maduong’ e piny mane unie wasumbini, moresou e lwet Farao ruodh Misri.

Tito 3:5

nowarowa. Ne ok owarowa nikech tim makare moro amora ma wan wawegi ne wasetimo, to nowarowa mana nikech ng’wonone owuon. Nowarowa gi lwok mane Roho Maler okelonwago nywol manyien kod ngima manyien.

Joshua 6:22

Joshua nowacho ni jombetre ariyo kande mondo odhi e od Rahab okele kaachiel gi joode, kaka ne gisesingore ni ginitim.

2 Petro 2:7

Lut to noreso nimar ne en ng’at maber, kendo chunye ne chandore ahinya nikech tim anjawo mag joma timbegi richo.

2 Petro 2:9

Kamano waneno ni Ruoth ong’eyo reso joma oluore kuom tem mochomogi, kendo ong’eyo keto joricho e kum nyaka chop Chieng’ Bura,