Chakruok 19:14 - MUMA MALER 2015

¹⁴ Kuom mano Lut nodhi ir joma ne nywomo nyige, mowachonigi niya, “Ikreuru piyo mondo waa e dalani, nikech Ruoth Nyasaye biro kethe.” To ne giparo ni otugo.

Motingʼo Loko Manyien

¹⁴ Kuom mano Lut nodhi mowuoyo gi chwo nyige mane osetimo winjruok mar kend gi nyige. Nowachonegi niya, “Timuru piyo piyo mondo uwuog oko e dalani, nikech Jehova Nyasaye oseikore mar ketho dala maduongʼni!” To chwo nyige ne paro ni otugo.

Chakruok 19:14 ပူးပေါင်းရင်းမြစ်များ

Chakruok 19:15

Kane piny oru, malaikago norungo Lut mondo owuogi, ka giwachone niya, “Tim piyo! Kaw chiegi gi nyigi ariyo man ka, nono to ibiro tho sa mikethoe dalani.”

Chakruok 19:17

Kane gisegologi kamano, ne giwachonigi niya, “Ringuru utony. Kik ugo machiemo kata kik uchung’ kamoro amora e pap nyaka uchop e gode, nikech dipo ka utho.”

Chakruok 19:22

To mak mana ni ring kuno piyopiyo, nikech ok anyal timo gimoro ka pok ichopo kuno.” Mano emomiyo dalano ne oluong ni Zoar, (tiende ni matin.)

2 Weche mag Ndalo 30:10

Kamano joote nodhi e dala ka dala e piny Efraim gi Manase duto nyaka Zebulun, to ji nonyierogi anyiera ka charogi.

2 Weche mag Ndalo 36:16

To ne gimedo charo joote Nyasaye, ka gichayo wachne, kendo ginyiero jonabi mage, nyaka Ruoth Nyasaye nokecho kodgi, ma koro ne ok ginyal konyo.

Wuok 12:31

Otieno nogo Farao noluongo Musa gi Harun mowachonigi niya, “Wuoguru gi jo-Israel piyopiyo mondo uwe joga. Dhiuru ulam Ruoth Nyasaye kaka usekwayo.

Wuok 9:21

To joma ne ok odewo wach Ruoth Nyasaye noweyo wasumbgi gi jambgi mana oko.

Ngeche 29:1

Ng’at ma wiye medo bedo matek, kata ka osekwere, nopo mana ka otur ma ok chomre.

Isaya 28:22

Koro weuru sunga, nono to ibiro tueu gi ratego motegno, nimar asewinjo ka Ruoth Nyasaye Manyalo Gik Moko Duto golo chik mondo oketh piny duto.

Jeremia 20:7

“A Ruoth Nyasaye, ne iwuonda, mi iwuonda adier. In itek moloya, omiyo ne ihewa. Ji duto tugo koda kendo ginyiera odiechieng’ duto.

Jeremia 43:1

Kane Jeremia osetieko nyiso ji weche duto mane Ruoth Nyasaye oseoro mondo onyisgi,

Jeremia 43:2

Azaria wuod Hoshaya kod Johanan wuod Karea, kaachiel gi ji mamoko duto ma wigi tek, ne jowacho ni Jeremia niya, “Iriambo! Ruoth Nyasachwa ok oseori mondo ikwerwa ni kik wadhi wadag Misri.

Jeremia 51:6

Koro achulom kuor kendo akumo jo-Babulon, to ok onego negu nikech richogi, omiyo ringuru ua kuno, ukwo ngimau.

Ezekiel 20:49

To an Ezekiel, ne adwoko Ruoth nyasaye niya, “Yaye Ruoth Nyasaye, ji duto wacho ni, ‘Jali obembowa gi ngeche mathoth!’ ”

Kwan 16:21

“Chung’uru mabor gi ogandani mondo atiekgi dichiel ka diemo wang’!”

Kwan 16:26

Eka nowacho ni oganda duto niya, “Suduru mabor gi hembe mag ji marichogi. Kik umul girgi moro amora, nono to urumo nikech richogi.”

Kwan 16:45

“Chung’uru mabor gi jogi mondo atiekgi dichiel ka diemo wang’!” To ne gipodho piny auma.

Mathayo 1:18

Nywol mar Mesia ne chalo kama: Kane Josef osemako keny Maria min Yesu, to pok gikendore, Maria noyudo ni osemako ich kuom teko mar Roho Maler.

Mathayo 9:24

Nowachonigi niya, “Wuoguru uduto! Nyako ok otho, to onindo aninda.” To giduto ne ginyiere anyiera.

Luka 24:11

To joote nokawo wechegigo koyuma, mi odagi yiego. [

Luka 9:42

To e sa mane nyathino dhi ir Yesu, jachien nogoye piny, moguecho marach. Yesu nokwero jachiendno matek, mi ochango wuowino, eka odwoke ni wuon mare.

Tich Joote 17:32

Kane giwinjo kaka Paulo wuoyo kuom tho mar joma otho, moko kuomgi nojare, to moko nowachone ni, “Yie iwachnwae wachni kendo, mondo wawinji.”

1 Jo-Thesalonika 5:3

ji nobed kawacho ni kue nitie, kendo weche ni kare, to ka diemo wang’ nono masira nopogi, mana kaka muoch poyo dhako man gi ich, kendo ok ginitony kata matin.