Chakruok 18:8 - MUMA MALER 2015

⁸ Eka Ibrahim nokawo adila gi chiewo kod ring’o ma nolosono, moketo e nyim jogo. Kane gichiemo, nochung’ e tiend yath koritogi.

Motingʼo Loko Manyien

⁸ Eka Ibrahim nokawo mo gi chak mar adila kod ring nyarwath mane osetedi maber mi oketogi e nyimgi. Kane gichiemo, Ibrahim nochungʼ butgi e tiend yath.

Chakruok 18:8 ပူးပေါင်းရင်းမြစ်များ

Chakruok 18:7

Eka noringo odhi e kund dhok moyiero nyarwath mopugno. Nomiye jatichne moro moyang’e, kendo olose piyopiyo.

Chakruok 18:9

Bang’e ne gipenjo Ibrahim niya, “Ere Sara chiegi?” Nodwokogi ni, “En e hema ka”.

Chakruok 19:3

To Lut nonano ni nyaka ginind e ode, mi ne giyie. Nolosonigi chiemo, gi makati ma ok ketie thowi, mi gichamo.

Nehemia 12:44

Chieng’no noyier ji mondo orit udi mibiro kanoe chiwo gi chamb gwel gi chiwo mar achiel kuom apar, kendo mondo ochok chiwo moa e gwenge mokiewo gi mier madongo mondo opog ni jodolo gi jo-Lawi kaka chik dwaro. Jo-Yahudi duto ne mor sidang’ kuom tich jodolo gi jo-Lawi.

Isaya 7:15

E kinde ma nyathino nong’ee pogo gima rach gi gima ber, to enobed ka ochamo mor dhiang’ gi mor kich,

Isaya 7:22

to enocham mo nikech chak mathoth moyudo kuom jamnigo. Adier, joma odong’ e piny Juda nocham mor dhiang’ gi mor kich.

Luka 12:37

Mano kaka jotich ma ruodhgi yudo ka neno, kendo oikore, gin johawi! Awachonu adier ni, ruodhgino nong’wan lepe, kendo nomi gibed piny e mesa, mi omigi chiemo.

Luka 17:8

Donge dowachne mana ni, ‘Losna chiemo, kendo iikri mondo igamna gima adwaro kachiemo kendo ametho. Eka bang’e in bende ibi ichiem.’

Luka 24:30

Kane oyudo obet piny kodgi mondo gichiem, nokawo makati, moguedho, kendo ong’ingo, momiyogi.

Luka 24:43

mi okawo, kendo ochamo mana e nyimgi kanyo.

Johana 12:2

Ne giselosone chiemo kuno, kendo Maritha ema notiyonigi, to Lazaro ne achiel kuom joma ne chiemo gi Yesu.

Tich Joote 10:41

Ji duto ne ok onene, to mak mana wan mane Nyasaye oyiero. Wan ne wachiemo kendo wametho kode kane osechier oa kuom joma otho.

Jo-Galatia 5:13

To un owetena, noluongu mondo ubed thuolo, to kik uwe mondo thuolo ma un-gono mi utim gimoro amora mudwaro, to ng’ato ka ng’ato kuomu mondo okony wadgi kuom hera,

Rapar mar Chik 32:14

Ne gin gi cha adila gi cha rombe, kod nyirombe gi imbe mabeyo moloyo gi dhok moa Bashan, kod nyuogi, kaachiel gi ngano maber. Ne gimadho mana divai makwar maber.

Fweny 3:20

Winji! Achung’ e dhoot kendo adwong’o. Ka ng’ato owinjo dwonda, mi oyawo dhoot, to anadonj ire, kendo anachiem kode, to en bende nochiem koda.

Jong’ad Bura 13:15

Manoa nowacho ni malaika mar Nyasaye niya, “Yie mondo ibed wendowa mondo walosni nyadiel moro, icham.”

Jong’ad Bura 5:25

Sisera nokwayo pi, to nomiye chak. Nokelone cha adila e tawo maber ka tap ruoth.