Chakruok 18:30 - MUMA MALER 2015

³⁰ Ibrahim nokwayo kendo niya, “A Ruoth Nyasaye, yie kik isin koda kapenji kendo. Kapo ni iyudo mana ji piero adek kende to?” Nodwoke ni, “Ok nakethe nikech ji piero adekgo.”

Motingʼo Loko Manyien

³⁰ Eka Ibrahim nomedo wachone niya, “Kik isin koda, to weya aweya awuo. To ka dipo ni ji piero adek ema oyudi e dalano?” Jehova Nyasaye nodwoke niya, “Ok nakethi ka ayudo ji piero adek maonge ketho kanyo.”

Chakruok 18:30 ပူးပေါင်းရင်းမြစ်များ

Chakruok 18:29

Ibrahim nodhi nyime kawacho niya, “Kiyudo mana ji piero ang’wen kende to?” Ruoth Nyasaye nodwoke niya “Ok naketh dalano kayudo ji piero ang’wen-go.”

Chakruok 18:31

Ibrahim nochako owachone niya, “Ruoth Nyasaye, yie ing’wonna kuom penji wach kendo. Ka ji piero ariyo kende ema iyudo to?” Ruoth Nyasaye nodwoke niya, “Ok nakethe kayudo ji piero ariyo.”

Chakruok 44:18

Eka Juda nodhi ir Josef, mowachone niya, “Ruoth, yie mondo awuo kodi, kendo kik ikech koda, nikech in bende iduong’ mana kaka Farao.

Ayub 40:4

“A Ruoth Nyasaye, ere kaka dadwoki an aanani? Ok abi temo wacho gimoro machielo kendo,

Zaburi 10:17

A Ruoth Nyasaye, ichiko iti ni lemo mag joma obolore, kendo itego chunygi.

Zaburi 89:7

In ema malaika miyi luor e buch polo. Ee, oluori moloyo malaika duto man buti.

Zaburi 9:12

Nyasaye paro jogo ma ithiro, bende wiye ok wil gi ywakgi. En e jachul kuor, kendo okumo joma timonigi marach.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Jong’ad Bura 6:39

Eka Gideon nowacho ni Nyasaye niya, “Kik ikech koda, to yie awuo kodi kendo. Yie mondo pien kende ema mondo odong’ kotwo, to piny ema mondo tho omokie.”