Chakruok 18:25 - MUMA MALER 2015

²⁵ Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Motingʼo Loko Manyien

²⁵ Ok dineg joma onge ketho machal gi joma oketho, adier ok inyal timo kamano nikech kaponi itimo kamano to joma onge ketho diyud kum mana maromre gi joma nigi ketho. To mano ok nyalre nikech jangʼad bura nyaka ngʼad bura kare?”

Chakruok 18:25 ပူးပေါင်းရင်းမြစ်များ

Chakruok 18:24

Ka nitie ji piero abich makare e dala, diketh dalano, koso diweye mondo ires ngima ji piero abich makarego?

1 Weche mag Ndalo 16:33

Kendo yien duto mae bunge, mondo okog gi mor e nyim Ruoth Nyasaye, nikech obiro mondo orit piny.

2 Weche mag Ndalo 19:7

Emomiyo tiuru kuluoro Ruoth Nyasaye. Ritreuru kuom gima utimo, nimar Ruoth Nyasaye ma Nyasachwa ok oyie gi ng’ado buch amwor kata buch nyakonchiel kata chamo asoya.”

Nehemia 9:33

Isebedo ng’at makare kendo ma jaadiera kuom gik moko duto mosetimorenwa, to wan ema wasebedo kwatimo marach.

Ayub 34:10

Un joma riek, koro chikuru itu mondo uwinji. Bende Nyasaye Manyalo Gik Moko Duto ditim gima ok ni kare adier?

Ayub 34:12

Nyasaye Manyalo Gik Moko Duto ok tim timbe maricho, bende ok otim ni ng’ato gima ok ni kare.

Ayub 8:20

Nyasaye to ok jwang’ joma ogeno kuome, to bende ok okony joma timbegi richo.

Ayub 8:3

Nyasaye ok ng’ad buch amwor, to otimo mana gima kare.

Zaburi 50:6

Polo hulo ni Nyasaye en jaadiera, kendo ni en owuon e jang’ad bura.

Zaburi 58:11

Bang’e ji nowach niya, “Kara nitie pok ma joma kare yudo! Adier, nitie Nyasaye mang’ado ni piny bura!”

Zaburi 7:12

Ka ji odagi lokore mondo owe richogi, to Nyasaye biro piago liganglane. Kata mana koroni otwenyo atunge mondo obed moikore.

Zaburi 75:3

Kata obedo ni piny oyiengni, mi ji duto modakie kihondko omako, to an ema nagur mise mage motegno.

Zaburi 94:2

In e jang’ad bura ni ji duto. Koro a malo mondo imi josunga gima giromogo!

Zaburi 98:9

nimar obiro mondo orit piny. Adier, obiro rito ogendini duto mae piny gi bura makare kod adiera.

Eklesiastes 3:17

Ne awacho e chunya niya, “Nyasaye biro yalo joma kare gi joma richo machalre, nikech kata mana e piny mabiro, gik moko duto te notimre mana e kinde moketnigi.”

Eklesiastes 7:15

Ngimana osebedo ngima manono, to kata kamano aseneno gik moko duto! Aseneno ni ng’ato nyalo tho piyo, kata bed ni en ng’at makare, to bende ng’ato nyalo dak aming’a, to en ng’at marach.

Jeremia 11:20

Eka nalemo niya, “Ruoth Nyasaye Manyalo Gik Moko Duto, in e jang’ad bura makare, kendo ma temo chuny ji gi parogi. We aneye ka ichulo ni jogo kuor, nikech aseketo wachna e lweti.”

Jeremia 12:1

“A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Ezekiel 18:25

“Un uwacho niya, ‘Gima Ruoth Nyasaye timo ok ni kare.’ To koro winjuru, un jo-Israel. Un ema utimo gik ma ok ni kare, to ok an!

Malaki 3:18

Bang’ mano unune pogruok manie kind joma richo, kendo e kind joma tiyona gi joma ok tina.”

Kwan 16:22

To ne gipodho piny auma, ka giwacho niya, “A Nyasaye ma Nyasach ngima, bende mirima nyalo maki gi oganda duto mana nikech richo mar ng’ato achiel?”

2 Jo-Korintho 5:10

nikech waduto nyaka wachung’ e nyim kom bura mar Kristo, mondo ng’ato ka ng’ato oyud pok moromo gi gik mabeyo kata maricho mane otimo kapod en e ringruok.

Rapar mar Chik 1:16

E kinde nogo nachiko jong’ad bura mau niya: ‘Un ema onego uyal buche mag joweteu, kendo nyaka ung’ad bura kare e kind ng’ato gi wadgi, kata bed ni ng’atno en ja-Israel wadu, kata en jadak.

Rapar mar Chik 1:17

Nyaka ubed joratiro kung’ado bura, kendo nyaka uwinj wach ng’at modhier mana kaka uwinjo wach jamoko. Kik uluor wang’ ng’ato, nikech ng’ado bura en mar Nyasaye. Kapo ni uneno ka bura moro tek ahinya, ma ok unyal ng’ado, to kelnagouru mondo ayale.’

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.

Jo-Hibrania 12:23

En chokruok mar nyithind Nyasaye makayo, ma nyinggi ondiki e polo. Uchung’ e nyim Nyasaye ma Jang’ad Bura ni ji duto, kendo e nyim chuny joma beyo ma Nyasaye osemiyo odoko joma kare.

Jong’ad Bura 11:27

Wan pok wakethonu, to un koro utimonwa marach kuom kedo kodwa. Ruoth Nyasaye e jang’ad bura, kendo kawuono obiro ng’ado bura e kind jo-Israel gi jo-Amon.”