Chakruok 18:12 - MUMA MALER 2015

¹² Kuom mano, Sara nonyiero e chunye kawacho niya, “Bende danywol nyathi ka aseti kama, to chwora bende osedoko moti?”

Motingʼo Loko Manyien

¹² Omiyo Sara nohum kanyiero gie chunye niya, “Bende ma ditimre adier ka an kod ruodha wasedoko joma oti ka ma?”

Chakruok 18:12 ပူးပေါင်းရင်းမြစ်များ

Chakruok 17:17

Ibrahim nogoyo chonge piny, mokulore nyaka e lowo, to nochako nyiero, koparo ni, “Bende ng’ato dinywol nyathi ka en jahigni mia achiel? Koso Sara nyalo nywol ka en jahigni piero ochiko?”

Chakruok 18:13

Eka Ruoth Nyasaye nopenjo Ibrahim niya, “Ang’o momiyo Sara nyiero, kawacho ni, ‘Bende danywol nyathi kasedoko moti kama?’ ”

2 Ruodhi 4:16

Elisha nowachone niya, “Due makama, higa mabiro, inibed gi nyathi ma wuowi.” To dhakono nodwoke niya, “Ooyo, ruodha, kik iwuonda!”

Zaburi 126:2

Mano kaka ne wanyiero, kendo wawer gi mor! Bang’e ogendini mamoko nowuoyo kuomwa niya, “Ruoth Nyasaye osetimonigi gik madongo miwuoro!”

Zaburi 45:11

Chia mari biro miyo ruoth heri. En ruodhi, omiyo nyaka iluore.

Jo-Efeso 5:33

To un bende owuoyo kuomu kama: Ng’ato ka ng’ato mondo oher chiege kaka oherore owuon, kendo dhako ka dhako bende nyaka luor chwore.

1 Petro 3:6

Sara ne achiel kuom mon ma kamago. Ne omiyo Ibrahim luor, kendo ne oluonge ni, “Ruodha.” Koro un udoko nyige ka utimo gik mabeyo, kendo ok uwe gimoro bwog chunyu.

Jong’ad Bura 19:26

Dhakono nodwogo ka piny yawore, mopodho e dhood ng’at cha, kama chwore ne nitie, kendo noriere kanyo nyaka piny oru.