Chakruok 18:11 - MUMA MALER 2015

¹¹ Ibrahim gi Sara ne josedoko moti, kendo ndalo Sara mag nywol nosekadho.

Motingʼo Loko Manyien

¹¹ Ibrahim kod Sara nosebedo moti kendo hikgi noniangʼ kendo ndalo Sara mag nywol nosekadho.

Chakruok 18:11 ပူးပေါင်းရင်းမြစ်များ

Chakruok 17:17

Ibrahim nogoyo chonge piny, mokulore nyaka e lowo, to nochako nyiero, koparo ni, “Bende ng’ato dinywol nyathi ka en jahigni mia achiel? Koso Sara nyalo nywol ka en jahigni piero ochiko?”

Chakruok 17:24

Ibrahim ne oter nyangu ka jahigni piero ochiko gochiko.

Chakruok 21:7

Eka nowacho kendo niya, “Ng’ama dine nyis Ibrahim ni Sara didhodh nyathi? To koro eri osenywolo ne wuowi ka en ng’ama oti.”

Chakruok 24:1

Ibrahim koro nosedoko moti ahinya, kendo Ruoth Nyasaye noseguedhe e yorene duto.

Chakruok 24:36

Bende Sara chi ruodha nonywolone wuowi koseti, kendo wuodeno ema osemiyo mwandune duto.

Chakruok 31:35

Rahel nowacho ni wuon mare niya, “Wuora, kik ikech koda, ni ok anyal chung’e nyimi, nikech atuo tuo mon.” To kata Laban nodwero kamano, ne ok onyal yudogi.

Tim jo-Lawi 15:19

Ka dhako odhi e due, to nobed mogak kuom ndalo abiriyo, kendo ng’ato ang’ata momule nobed mogak nyaka odhiambo.

Luka 1:18

Zekaria nopenjo malaika niya, “Ere kaka dang’e ni wachni en adier, nikech an ng’at moti kendo chiega bende hike oniang’?”

Luka 1:36

Bende ng’e ni Elizabeth, wayu moti cha, osemako ich nyathi ma wuowi, kendo dhako ma yande iluongo ni migumbano, koro nigi ich mar dueche auchiel,

Luka 1:7

To ne gionge nyathi, nikech Elizabeth ne dhako ma migumba, kendo giduto koro ne gin joma oti.

Jo-Hibrania 11:19

Ibrahim noyie ni Nyasaye nyalo chiero nga’t motho, kendo chutho nodwokne Isaka mana ka gima osechier oa kuom joma otho.

Joshua 13:1

Joshua koro noseti, kendo hike oniang’, mi Ruoth Nyasaye nowachone niya, “Isedoko jaduong’ moti to piny malach pod odong’ monego kaw.