Chakruok 17:8 - MUMA MALER 2015

⁸ Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Motingʼo Loko Manyien

⁸ Piny Kanaan duto makoro udakieni anamiyi kaachiel gi nyikwayi mondo obed girkeni manyaka chiengʼ kendo anabed Nyasachgi.”

Chakruok 17:8 ပူးပေါင်းရင်းမြစ်များ

Chakruok 12:7

Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Chakruok 13:15

nimar piny duto minenono abiro miyi gi nyikwayi nyaka chieng’.

Chakruok 13:17

Koro ikri mondo iwuoth kuonde duto e pinyni, nikech amiyigo duto.”

Chakruok 23:4

“An mana wendo, kendo jadak e kindu. Yieuru umiya lowo moromo kar yiko, mondo ayikie ng’ata e yo mowinjore.”

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 28:4

Onego oguedhi kendo oguedh nyikwayi kaka noguedho Ibrahim, mondo ikaw piny ma koro idakie. En e piny mane Nyasaye omiyo Ibrahim.”

Chakruok 35:27

Jakobo nobiro ir Isaka wuon mare mane oyudo odak Mamre machiegni gi Kiriath-arba, (ma tinde iluongo ni Hebron), kuma Ibrahim gi Isaka nodakie.

Chakruok 36:7

Nodar nimar kama ne gidakie gi Jakobo ne tin mane ok nyal romogi nikech giduto ne gin gi jamni mathoth ahinya.

Chakruok 37:1

Jakobo nomedo dak e piny Kanaan kuma ne wuon mare odakie.

Chakruok 48:4

Nowachona ni, abiro miyi nyithindo mang’eny, mondo nyikwayi chieng’ odok ogendini mathoth, to pinyni namigi kaka mwandugi nyaka chieng’.”

2 Samuel 23:5

Donge kamano e kaka oda obet e nyim Nyasaye, nikech osetimo koda singruok mosiko, mochan kare, kendo ma ok nyal lokore? Oseguedho gik moko ma konya, kendo ma adwaro.

1 Weche mag Ndalo 16:18

Nowacho niya, “Anamiyi piny Kanaan mondo obed mwanduni gi nyikwayi.”

Zaburi 103:17

To hera ma Ruoth Nyasaye oherogo joma oluore osiko nyaka chieng’, bende ng’wonone ochwere kuom tienge duto

Zaburi 105:11

“Anamiyi piny Kanaan mondo obed mwanduni gi nyikwayi.”

Zaburi 105:9

En singruok mane otimo ni Ibrahim, kendo mane otimo ni Isaka.

Wuok 13:11

“Ruoth Nyasaye nokelu e piny Kanaan mane osingore ni nomiu kaachiel gi kwereu. Kosemiyougo,

Wuok 21:6

to ruodhe nyaka tere e nyim Nyasaye, kendo e dhoot kata e sis dhoot, mi otuch ite gi riw, kendo ng’atno nobed misumbane nyaka chieng’.

Wuok 29:45

Anadag gi jo-Israel, mi anabed Nyasachgi,

Wuok 32:13

Par jotichni ma Ibrahim gi Isaka kod Israel, kendo kaka nikuong’orinigi gi nyingi iwuon, kiwacho niya, ‘Anamiu nyikwayo mang’eny ka sulue ma e polo, kendo anamigi pinyni duto kaka nasingora, ni nobed margi nyaka chieng’.’ ”

Wuok 40:15

Wirgi mana kaka isewiro wuon-gi, mondo gin bende gibed jodolona. Wirno biro miyo gibedo jodolona kaachiel gi nyikwagi kuom tiengegi duto nyaka chieng’.”

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Jeremia 25:5

Jonabigo ne nyisou mondo uwe yoreu gi timbeu maricho, eka udag e piny mane Ruoth Nyasaye omiyou kaachiel gi kwereu ka mwanduu mosiko.

Jeremia 31:1

Ruoth Nyasaye wacho niya, “Ndalo biro ma anabedie Nyasach dhout Israel duto, kendo ginibed joga.

Ezekiel 11:20

Bang’e ginirit chikena, kendo giniluw yorena duto, ka giketo chunygi. Ginibed joga, an to anabed Nyasachgi.

Ezekiel 33:24

“Wuod dhano ji modak e miech Israel modong’ gundni wacho kama, ‘Ibrahim ne en ng’at achiel kende, to ne omiye pinyni duto. Wan to wan ji mang’eny, omiyo pinyni koro en marwa!’

Tim jo-Lawi 14:34

“Ka usedonjo e piny Kanaan ma abiro miyou mondo udagie, mi akelo gimoro marach momiyo kor ot moro opur,

Tim jo-Lawi 16:34

Mano nobed chik momakou nyaka chieng’ mondo upwodh jo-Israel dichiel e higa kuom richogi. Kamano Musa nochopo chike mag Ruoth Nyasaye.

Tim jo-Lawi 26:12

Anawuoth e dieru koni gi koni, mi nabed Nyasachu, kendo unubed joga.

Zekaria 8:8

mi adwokgi Jerusalem mondo gidagie. Ginibed joga kendo anabed Nyasachgi, kuom adiera kod tim makare.”

Kwan 10:29

Musa nowacho ni Hobab wuod Reuel ja-Midian ma ore niya, “Koro wawuok wadhi e piny ma Ruoth Nyasaye osewacho ni nomiwa. Yie wadhi kodi, kendo wabiro timoni maber, nimar Ruoth Nyasaye osesingore ni obiro guedhowa.”

Kwan 25:13

Asingorane, en kaachiel gi nyikwaye ni ginibed jodolo nyaka chieng’ nikech osebedo gi mirima ma nyiso ni ohero Nyasache, mi opwodho jo-Israel kuom richogi.”

Kwan 27:12

Ruoth Nyasaye nowacho ni Musa niya, “Idh got Abarim, mondo ine piny masemiyo jo-Israel.

Tich Joote 7:5

To e kindeno, Nyasaye ne ok omiyo Ibrahim lowo moro e pinyni kata matin, to nosingorene ni nomiyego mondo obed mare kaachiel gi nyithinde kod nyikwaye, kata obedo ni ne pod oonge nyithindo kamano e kindeno.

Rapar mar Chik 14:2

nikech un joma ler mowal ni Ruoth Nyasaye ma Nyasachu. Ruoth Nyasaye noyierou kuom ogendini duto manie piny mondo ubed joge owuon.

Rapar mar Chik 26:18

Ruoth Nyasaye bende osehulo tinende ni un e joge owuon, marito chikene duto, kaka nosingorenu.

Rapar mar Chik 29:13

Ruoth Nyasaye dwaro mondo oloku joge, kendo mondo obed Nyasachu kaka nonyisou, kendo kaka nosingore ni kwereu ma Ibrahim gi Isaka kod Jakobo.

Rapar mar Chik 32:49

“Idh got Nebo ma en achiel kuom gode Abarim manie piny Moab, yo wuokchieng’ mar Jeriko, mondo irang piny Kanaan ma abiro miyo jo-Israel ka mwandugi.

Rapar mar Chik 32:8

Kane Ng’ama Duong’ Moloyo ochiwo ni ogendini pinjegi, mondo obed kuondegi mag dak, noketo ni oganda ka oganda tong’ pinygi maromre gi kar romb nyithind Nyasaye.

Rapar mar Chik 34:4

Ruoth Nyasaye nowachone niya, “Ma e piny mane asingora ni Ibrahim gi Isaka kod Jakobo ni nami nyikwagi. Asenyisigo mondo inene gi wang’i, to kata kamano, ok niidh loka, midonjie.”

Rapar mar Chik 4:37

Nohero kwereu, moyiero nyikwagi, omiyo en owuon nogolou Misri gi tekone maduong’,

Rapar mar Chik 9:5

Ok timbeu mabeyo kata dimbruok ma un-go ema omiyo ubiro donjo e piny jogo mondo ukaw, to en mana nikech richo mag ogendinigo emomiyo Ruoth Nyasaye ma Nyasachu riembogi mondo giwenu thuolo, kochopogo singruok ma notimo gi kwereu ma Ibrahim gi Isaka kod Jakobo.

Jo-Hibrania 9:15

Omiyo Kristo e jal makelo winjruok manyien, mondo jogo mane oluongi oyud mwandu mochwere mane Nyasaye osingore ni gibiro yudo. Mano nyalo timore nikech tho osebetie makelo resruok kuom richo mane otim e ndalo winjruok machon.

Joshua 1:2

“Musa jatichna osetho. Omiyo ikri gi jo-Israel duto mondo ung’ad aora Jordan, udhi e piny mamiyou.

Fweny 21:7

Ng’at molocho noyud gigo, kendo anabed Nyasache, to enobed wuoda.