Chakruok 17:7 - MUMA MALER 2015

⁷ “Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Motingʼo Loko Manyien

⁷ Anagur singruokna manyaka chiengʼ e kinda kodi gi nyikwayi kod tienge mabiro, mi anabed Nyasachi kendo Nyasach nyikwayi nyaka chiengʼ.

Chakruok 17:7 ပူးပေါင်းရင်းမြစ်များ

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

Chakruok 17:13

Ng’ato ka ng’ato nyaka ter nyangu, kendo mano nobed ranyisi e ringreu ma nyiso ni singruok masetimo koduni osiko.

Chakruok 17:19

To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Chakruok 26:24

To nopo ka Ruoth Nyasaye ofwenyorene gotieno, mowachone niya, “An e Nyasach Ibrahim wuoru. Kik iluor, nikech an kodi. Abiro guedhi, kendo abiro miyi nyikwayo mang’eny, nikech singruok mane atimo ni Ibrahim jatichna.”

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 6:18

to mak mana in ema natim kodi singruok. Inidonj e yieno gi chiegi kod yawuoti gi mondgi,

Chakruok 9:16

Ka lihudu ochung’ e boche polo, to anane, kendo anapar singruokna mosiko e kinda kod gik mangima duto manie piny.”

2 Samuel 7:24

Niwalo jogi Israel mondo obed jogi nyaka chieng’, kendo in, a Ruoth Nyasaye, ema isedoko Nyasachgi.

1 Weche mag Ndalo 16:13

Un nyikwa Israel, jotich Ruoth Nyasaye. Adier, un yawuot Jakobo, jotichne moyier,

1 Weche mag Ndalo 16:14

En e Ruoth Nyasaye ma Nyasachwa kendo tekone okwako piny ngima.

Zaburi 81:10

An e Ruoth Nyasaye ma Nyasachu mane ogolou e piny Misri. Ng’amuru dhou malach mondo apidhu.

Wuok 3:15

Nyasaye nochako owacho ni Musa niya, “Nyaka iwach ni jo-Israel kama: ‘Ruoth Nyasaye ma Nyasach kwereu, ma Nyasach Ibrahim, gi Isaka kod Jakobo, oseora iru.’ Ma e nyinga ma nyaka chieng’, kendo ma tienge mabiro duto noluongago.

Wuok 3:6

Eka nomedo wacho niya, “An Nyasach kwereni ma Nyasach Ibrahim gi Nyasach Isaka kod Nyasach Jakobo.” Mi Musa noumo wang’e, nikech noluoro ng’iyo wang’ Nyasaye.

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Wuok 6:7

Anakawu ka joga awuon, kendo anabed Nyasachu, mi unung’e ni an e Ruoth Nyasaye ma Nyasachu ma golou e tij jo-Misri mapek michunou mondo uti.

Isaya 61:8

nimar an Ruoth Nyasaye ahero adiera, to amon gi mecho kod timbe mamono. Omiyo abiro miyou pok ma ok lokre, mi atim kodu singruok mochwere.

Jeremia 31:1

Ruoth Nyasaye wacho niya, “Ndalo biro ma anabedie Nyasach dhout Israel duto, kendo ginibed joga.

Ezekiel 28:26

Ginidag kuno gi kue, kendo giniger udi, mi gipidh mzabibu. Anakum ogendini mokiewo kodgi duto, mane ojarogi, mi Israel nobed gi kue. Eka gining’e ni an e Ruoth Nyasaye ma Nyasachgi.”

Tim jo-Lawi 11:45

An e Ruoth Nyasaye mane ogolou e piny Misri mondo ubed Nyasachu. Omiyo nyaka obed maler nikech aler.

Tim jo-Lawi 25:38

An e Ruoth Nyasaye ma Nyasachu mane ogolou e piny Misri mondo omiu piny Kanaan, kendo mondo obed Nyasachu.

Tim jo-Lawi 26:12

Anawuoth e dieru koni gi koni, mi nabed Nyasachu, kendo unubed joga.

Tim jo-Lawi 26:44

“Kata kamano, ka gin e piny wasikgi, to ok nawitgi, kendo ok najwang’gi kata tiekogi chuth, mi aketh singruok mane atimo kodgi, nimar an e Ruoth Nyasaye ma Nyasachgi.

Tim jo-Lawi 26:45

Aherogi, omiyo anapar singruok mane atimo gi kweregi, mane agolo e piny Misri ka ogendini neno, mondo an Ruoth Nyasaye abed Nyasachgi.”

Tim jo-Lawi 26:9

“Anabed ka aguedhou, mi anami unywol kendo unya mathoth, kendo anachop singruok duto ma natimo kodu.

Mika 7:20

Initim gima kare, kendo iniher jo-Israel ma nyikwa Ibrahim gi hera mosiko, mana kakane isingori ni kwerewa chon.

Mathayo 22:32

An e Nyasach Ibrahim, gi Nyasach Isaka, kod Nyasach Jakobo’? To wang’eyo ni Nyasaye ok en Nyasach joma otho, to en Nyasach joma ngima.”

Mariko 10:14

Kane Yesu oneno ka jopuonjrene kwero jogo kamano, nosin, mi owacho ni jopuonjrene niya, “Weuru nyithindo obi ira! Kik utamgi, nikech joma kamagi ema yudo gweth mar Loch Nyasaye!

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”

Jo-Rumi 9:4

Jo-Israel gin joma Nyasaye oseyiero mondo obed nyithinde. Ne onyisogi duong’ne maler, kendo ne otimo kodgi singruok madongo. Nomiyogi Chik Musa kendo nonyisogi kaka onego gilame e Hekalu. Bende nosingorenigi ni obiro guedhogi.

Jo-Efeso 2:2

E ndalogo, yore richo ema ne uwuothoe, kuluwo timbe mag pinyni. Ne uwinjo wach ruodh teko mar kind polo gi piny, ma en chuny ma koro tiyo kuom joma otamore yie kuom Nyasaye.

Rapar mar Chik 29:13

Ruoth Nyasaye dwaro mondo oloku joge, kendo mondo obed Nyasachu kaka nonyisou, kendo kaka nosingore ni kwereu ma Ibrahim gi Isaka kod Jakobo.

Jo-Hibrania 11:16

To koro ne gigombo piny maber moloyo, tiende ni piny polo. Mano emomiyo wi Nyasaye ok kuodi kiluonge ni Nyasachgi, nikech oseikonigi dala.

Jo-Hibrania 8:10

To Ruoth medo wacho niya, ‘Singruok ma anatim gi dhood Israel bang’ ndalogo e ma: Anaket chikena e parogi, kendo anandikgi e chunygi. Anabed Nyasachgi, mi ginibed joga.

Jong’ad Bura 2:1

Malaika mar Ruoth Nyasaye noa Gilgal, modhi Bokim. Nowacho ni jo-Israel niya, “Ne agolou e piny Misri, mi akelou e piny mane asingora ni nami kwereu. Ne awacho ni ok naketh singruokna kodu.