Chakruok 17:5 - MUMA MALER 2015

⁵ Nyingi ok nochak oluong ni Abram, to noluonge ni Ibrahim. Mano koro e nyingi, nikech aseloki wuon ogendini mang’eny.

Motingʼo Loko Manyien

⁵ Ok nochak oluongi ni Abram; to enoluongi ni Ibrahim, nimar aseketi ibedo wuon ogendini mangʼeny.

Chakruok 17:5 ပူးပေါင်းရင်းမြစ်များ

Chakruok 17:15

Eka Nyasaye nowacho ni Ibrahim kendo niya, “Kik ichak iluong chiegi ni Sarai, nikech koro nyinge Sara.

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

Chakruok 32:29

Jakobo nokwaye niya, “Yie inyisa nyingi.” To nopenje ni, “Ang’o momiyo ipenja nyinga?” Kata kamano noguedhe.

Chakruok 35:10

kowachone niya, “Nyingi en Jakobo, to chakre kawuono ok noluongi ni Jakobo, to nyingi koro en Israel.” Kamano nochake ni Israel.

2 Samuel 12:25

Kuom mano, nomiyo Nathan janabi owacho ni mondo ochake ni Jedidia, nikech mano e dwaro mar Ruoth Nyasaye. Tiend nying’no en ni, ‘Ng’ama ohero Ruoth Nyasaye’.

1 Weche mag Ndalo 1:27

Tera nonywolo Abram, ma bang’e niluongo ni Ibrahim.

Nehemia 9:7

In e Ruoth Nyasaye ma noyiero Abram, kendo ogole e dala mar Ur e piny jo-Kaldea, mochake ni Ibrahim.

Isaya 65:15

Ka joga moyier, dwaro kuong’o ng’ato, to giniluong nyingu ka giwacho ni, ‘Ruoth Nyasaye mondo oneg ng’atno, kaka ne onegou.’ Joga to analuong gi nying’ moro nono maber.”

Jeremia 20:3

Kinyne gokinyi, Pashur ne ogonyo Jeremia, mi Jeremia nowachone niya, “Ruoth Nyasaye ok luongi ni Pashur, to oluongi ni Magor-misabib, tiende ni, masira ni kuonde duto.

Jeremia 23:6

E ndalo lochne, jo-Juda nodag gi kue, kendo jo-Israel bende nodag maonge ng’ama chandogi. Ginichak ruodhno ni ‘Ruoth Nyasaye ma resowa.’ ”

Kwan 13:16

Mago e nying joma Musa nooro mondo odhi ocheng piny Kanaan, to Hoshea wuod Nun to nochako ni Joshua.

Johana 1:42

Eka nokelo Simon ir Yesu. Yesu nong’iyo Simon, mowachone ni, “In Simon wuod Johana, to chieng’ moro noluongi ni Kefa.” (Kefa en Petro gi dho Grik, tiende ni Lwanda.)

Jo-Rumi 4:17

mana kaka Muma wacho niya, “Aseketi wuon ogendini mang’eny.” Kuom mano, singruok nigi teko e nyim Nyasaye mane Ibrahim oyie kuome. En e Nyasaye machiero joma otho, kendo ma gima owacho miyo gik maonge betie.

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.