Chakruok 17:4 - MUMA MALER 2015

⁴ “Singruok ma atimo kodi e ma: Inibed wuon ogendini mang’eny.

Motingʼo Loko Manyien

⁴ “Singruok matimo kodi ema: Inibed wuon ogendini mangʼeny.

Chakruok 17:4 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

Chakruok 16:10

Eka malaika nowachone kendo niya, “Anamiyi nyikwayo mang’eny ma ok nyal kwan.

Chakruok 22:17

Akuong’ora gi nyinga awuon ni kaka ok isetama e wuodi ma miderma, abiro guedhi moloyo, mi ami nyikwayi bed mang’eny ka sulue, kendo ka kuoyo mae dho nam. Nyikwayi nolo wasikgi,

Chakruok 25:23

Ruoth Nyasaye nodwoke niya, “Ogendini ariyo nie iyi, to ogendinigo biro pogore. Achiel nobed ratego moloyo wadgi, kendo maduong’ noti ni matin.”

Chakruok 28:3

Nyasaye Manyalo Gik Moko Duto oguedhi, kendo omiyi nyithindo mang’eny, mondo chieng’ moro idok wuon ogendini mathoth.

Chakruok 32:12

Par kaka nisesingorina ni iniguedha, kendo nimiya nyikwayo mang’eny ka kwoyo mae dho nam ma ok nyal kwan.”

Chakruok 35:11

Nyasaye nowachone kendo niya, “An Nyasaye Manyalo Gik Moko Duto. Nywol nyithindo mang’eny ibed oganda maduong’. Inibed gi nyikwayo mathoth, mi ginidok ogendini mang’eny, kendo moko kuomgi nobed ruodhi.

Chakruok 48:19

To wuon mare nodagi, kowacho niya, “Ang’eyo mano nyathina. Manase bende biro bedo oganda maduong’, to owadgi maluwe ema nobed maduong’ moloye, kendo nyikwaye nodok ogendini mang’eny.”

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.