Chakruok 17:19 - MUMA MALER 2015

¹⁹ To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Motingʼo Loko Manyien

¹⁹ Eka Nyasaye nodwoke niya, “Ooyo, en mana Sara chiegi ema nonywolni wuowi, kendo iniluong nyinge ni Isaka. Anaket singruokna kode kaka singruok manyaka chiengʼ ne nyikwaye.

Chakruok 17:19 ပူးပေါင်းရင်းမြစ်များ

Chakruok 16:11

“In gi ich, kendo ibiro nywolo nyathi ma wuowi. Inichak nyinge ni Ishmael, tiende ni, ‘Nyasaye winjo’, nikech Ruoth Nyasaye osewinjo chandruokni.

Chakruok 17:16

Abiro guedhe kendo abiro miyi nyathi ma wuowi kode. Anaguedh Sara, mi nobed min ogendini mang’eny, kendo nyikwaye moko nobed ruodhi.”

Chakruok 17:18

Omiyo nowacho ni Nyasaye niya, “Akwayi ni mondo irit Ishmael, obed mangima.”

Chakruok 17:21

To anarit singruok ma asetimo kod Isaka wuodi ma Sara biro nywolo e kinde makama e higa mabiro.”

Chakruok 17:7

“Anarit singruok ma asetimo kodi kendo gi nyikwayi e tienge mabiro, mi anabed Nyasachi kendo Nyasach nyikwayi nyaka chieng’.

Chakruok 21:6

Sara nowacho niya, “Nyasaye osemiya gimomiyo anyiero, kendo ng’ato ang’ata mowinjo nokonya nyiero!”

Chakruok 26:2

Eka Ruoth Nyasaye nofwenyorene, mowachne niya, “Kik idhi Misri, to dag mana e pinyni kama abiro nyisi.

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 9:16

Ka lihudu ochung’ e boche polo, to anane, kendo anapar singruokna mosiko e kinda kod gik mangima duto manie piny.”

Luka 1:55

bende oseparo Ibrahim kod nyikwaye, motimonigi ng’wono nyaka chieng’ kaka nosingore ni kwerewa ni notim.”

Jo-Hibrania 11:11

Yie ema nomiyo Sara owuon bende onwang’o teko mar mako ich, kata obedo ni ne en migumba, kendo ndalone mar nywol nosekadho kamano. Noyudo tekono nikech nokwano ni Jal mane osesingorene en jaadiera.