Chakruok 17:18 - MUMA MALER 2015

¹⁸ Omiyo nowacho ni Nyasaye niya, “Akwayi ni mondo irit Ishmael, obed mangima.”

Motingʼo Loko Manyien

¹⁸ Kendo Ibrahim nowacho ne Nyasaye niya, “Mano nyalo mana timore kaponi Ishmael odak e bwo ngʼwono mari!”

Chakruok 17:18 ပူးပေါင်းရင်းမြစ်များ

Chakruok 17:17

Ibrahim nogoyo chonge piny, mokulore nyaka e lowo, to nochako nyiero, koparo ni, “Bende ng’ato dinywol nyathi ka en jahigni mia achiel? Koso Sara nyalo nywol ka en jahigni piero ochiko?”

Chakruok 17:19

To Nyasaye nodwoke niya, “Ooyo, Sara chiegi ema biro nywoloni wuowi, kendo inichak nyinge ni Isaka. Anachop singruok ma asetimo kode, kaachiel gi nyikwaye bende, nikech en singruok mosiko.

Chakruok 21:11

Wachni nochando chuny Ibrahim ahinya, nimar Ishmael bende ne rembe.

Chakruok 4:12

Chakre tinende, kipuro lowo, to ok nonyagni cham, kendo inibed jabayo ma onge gi kar dakne e piny ka.”

Chakruok 4:14

Iseriemba e nyimi, kendo e lowoni. Anabed jabayo ma onge kama odakie e pinyni, kendo ng’ato ang’ata moyuda nyalo nega.”

Zaburi 4:6

Ji mang’eny wacho niya, “Mano kaka wagombo yudo gueth! A Nyasaye, ting’ wang’i mondo irangwa gi ng’wononi!”

Zaburi 41:12

Inikonya nikech atimo gik makare, kendo iniketa buti nyaka chieng’.

Isaya 59:2

to richou ema opogo kindu gi Nyasachu. Adier, richou ema osemiyo opandonu wang’e, mondo kik owinj kwayou.

Jeremia 32:39

Abiro miyogi chuny achiel gi yo achiel mondo giluora nyaka chieng’, eka gidhi nyime maber kod nyikwagi bende.

Tich Joote 2:39

Singruok mane Nyasaye osetimono, notimonu gi nyithindu, kod ji duto man kuma bor, tiende ni ng’ato ka ng’ato ma Ruoth Nyasachwa noluong ire.”