Chakruok 16:14 - MUMA MALER 2015

¹⁴ Mano emomiyo iluongo soko manie kind Kadesh gi Bered ni, ‘Beer-lahai-roi’, tiende ni, ‘Soko mar Nyasaye mangima ma neno’.

Motingʼo Loko Manyien

¹⁴ Mano emomiyo sokono nochaki ni Beer-Lahai-Roi; kendo pod entiere nyaka chil kawuono, e kind Kadesh kod Bered.

Chakruok 16:14 ပူးပေါင်းရင်းမြစ်များ

Chakruok 14:7

Eka ne giduogo chien nyaka En-mishpat, ma tinde iluongo ni Kadesh, mi gikawo piny jo-Amalek duto, kod piny jo-Amor ma nodak Hazazon-tamar.

Chakruok 16:15

Bang’e Hagar nonywolo ni Abram nyathi ma wuowi, kendo nochako nyinge ni Ishmael.

Chakruok 21:19

Eka Nyasaye noyawo wang’ Hagar, mi Hagar noneno soko moro. Nodhi motuomo pi e puke, momiyo nyathi omodho.

Chakruok 21:31

Kuom mano ne ochak kanyo ni Beer-sheba, nikech en e kama ji ariyogo nokuong’oree. (Beer-sheba, to tiende ni, soko abiriyo, kata soko kuong’ruok, nikech rombe abiriyo mane gitimogo singruokno.)

Chakruok 24:62

Noyudo Isaka koro osedar modak Beer-lahai-roi, e piny Kanaan ma milambo.

Chakruok 25:11

Bang’ tho Ibrahim, Nyasaye noguedho Isaka wuode, mane oyudo odak but soko miluongo ni Beer-lahai-roi.

Kwan 13:26

mi gibiro ir Musa gi Harun kod oganda jo-Israel duto. Ne gipimonigi wach, kendo ne ginyisogi olembe mag pinyno.