Chakruok 16:13 - MUMA MALER 2015

¹³ Hagar nowacho niya, “Bende en adier ni aseneno Nyasaye, to pod angima?” Omiyo noluongo Ruoth Nyasaye ma noyudo wuoyo kode ni El-roi, tiende ni, ‘Nyasaye ma neno.’

Motingʼo Loko Manyien

¹³ Bangʼeno Hagar nochako Nyasaye mane osewuoyo kode nying ni El-roi (ma tiende ni Jehova Nyasaye Maneno); nimar nowacho niya, “Koro aseneno Jalno manena.”

Chakruok 16:13 ပူးပေါင်းရင်းမြစ်များ

Chakruok 16:7

To malaika mar Ruoth Nyasaye noyudo Hagar e thim e soko manie yo madhi Shur.

Chakruok 22:14

Ibrahim nochako kanyo ni Jehova-jire (Tiende ni Ruoth Nyasaye e jachiwo). Pod iwacho nyaka chil kawuono ni “God Ruoth Nyasaye ema nochiwee.”

Chakruok 28:17

Luoro nomake, mowacho niya, “Ma kama lich manade! Nyaka bed ni en od Nyasaye, kendo ranga polo.”

Chakruok 31:42

Ka dine Nyasach Ibrahim kwara mane Isaka bende lamo, ok ni koda, to dine iseriemba gi lweta nono. To Nyasaye noneno kaka natiyo matek, kendo kaka nachandora, omiyo nyoro okweri gotieno ni kik itimna gimoro marach.”

Chakruok 32:30

Jakobo nowacho niya, “Aseneno Nyasaye wang’ gi wang’, to pod angima!” Omiyo nochako nying kanyo ni Peniel (tiende ni, wang’ Nyasaye).

Chakruok 32:31

Jakobo noa Peniel ka chieng’ wuok, kendo nowuotho kofwono, nikech bamne nosewil.

Wuok 24:11

To Ruoth Nyasaye ne ok ohinyo jodong Israelgo. Ne gineno Ruoth Nyasaye, mi gichiemo kode kendo gimetho.

Ngeche 15:3

Ruoth Nyasaye neno gik matimore kamoro amora. Orango joma beyo gi joma richo mana machalre.

Ngeche 5:21

Ruoth Nyasaye neno gik moko duto mitimo, kendo orangi kamoro amora midhiye.

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.