Chakruok 15:9 - MUMA MALER 2015

⁹ Ruoth Nyasaye nodwoke niya, “Kelna roya ma hike adek, gi diel ma hike adek, gi im ma hike adek, kod akuch odungla gi akuch obondo.”

Motingʼo Loko Manyien

⁹ Omiyo Jehova Nyasaye nonyise niya, “Kelna roya bwongʼ, diel kod im mahikgi adek, adek kaachiel gi akuch odugla kod nyathi akuru.”

Chakruok 15:9 ပူးပေါင်းရင်းမြစ်များ

Chakruok 15:10

Abram nokelo ni Ruoth Nyasaye gigo duto, kendo nopogo moro ka moro sirunde ariyo. Nochano sirundego e laini ariyo, ka moro ka moro omanyore gi wadgi. Winy to ne ok opogo.

Chakruok 15:8

To Abram nopenje niya, “A Ruoth Nyasaye, ere kaka anyalo ng’eyo ni pinyni nobed mara?”

Chakruok 22:13

Ibrahim noting’o wang’e mopo koneno im momoko gi tungene e bungu. Nokawo imno motimogo misango ni Ruoth Nyasaye kar wuode.

Zaburi 50:5

Owacho niya, “Chokuru joma oyie kuoma, mane otimona misango ka timogo koda singruok.”

Wer Mamit 2:12

kendo maupe thiewo e piny duto. Koro ma e kinde ma ji werie, kendo ma dwond akuru winjore e piny.

Isaya 15:5

Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

Tim jo-Lawi 1:10

Ka ng’ato ochiwo rombo kata diel mondo otimgo misango miwang’o pep, to nyaka obed im kata nyuok maonge songa.

Tim jo-Lawi 1:14

Ka ng’ato chiwo winyo mondo otimgo ni Ruoth Nyasaye misango miwang’o pep, to nyaka ochiw mana akuch odugla kata nyathi akuru.

Tim jo-Lawi 1:3

Ka ng’ato chiwo dhiang’ mondo otimgo misango miwang’o pep, to nyaka obed rwath maonge songa. Enochiwe e dhoranga Hemb Romo e nyim Ruoth Nyasaye mondo Ruoth Nyasaye oyie kode.

Tim jo-Lawi 12:6

Ka kindene mar pwodhruok kuom nyathi ma wuowi kata manyako oserumo, to enokel nyaim mondo otimgo misango miwang’o pep, kaachiel gi nyathi akuru kata akuch odugla mondo otimgo misango mar golo richo, mi omi jadolo e dho Hemb Romo.

Tim jo-Lawi 12:8

Ka dhakono odhier ma ok nyal yudo nyaim, to nokel akuch odugla ariyo, kata nyithi akuru ariyo. Achiel kuomgi notimgo misango miwang’o pep, to machielo notimgo misango mar golo richo. Jadolo notim misengnigo, ka opwodhogo dhakono, mi dhakono nodok maler.

Tim jo-Lawi 14:22

kod akuch odugla ariyo kata nyithi akuru ariyo kaka onyalo yudo. Winyo achiel notimgo misango mar golo richo, to machielo notimgo misango miwang’o pep.

Tim jo-Lawi 14:30

Jadolono nokaw winyo achiel kuom winy mane ng’atno okelo, kata bed ni gin akuch odugla kata gin nyithi akuru,

Tim jo-Lawi 3:1

Ka ng’ato chiwo rwath kata dwasi mondo otimgo ni Ruoth Nyasaye misango mar sawo, to nyaka obed mana dhiang’ ma onge songa.

Tim jo-Lawi 3:6

Ka ng’ato chiwo diel kata rombo mondo otimgo ni Ruoth Nyasaye misango mar sawo, to nyaka obed ma dichwo kata ma dhako maonge songa.

Tim jo-Lawi 9:2

Nowacho ni Harun niya, “Kaw nyarwath mondo otimgo misango mar golo richo, kod im otimgo misango miwang’o pep, mondo ikelgi e nyim Ruoth Nyasaye. Jamnigo nyaka bed maonge songa.

Tim jo-Lawi 9:4

kendo gikaw rwath gi im mondo otimgo misengni mag sawo e nyim Ruoth Nyasaye, kaachiel gi misango mar cham moruw gi mo, nimar Ruoth Nyasaye biro fwenyorenu tinende.”

Luka 2:24

Bende ne gidhi mondo gitim misango mar akuch odugla ariyo kata nyithi akuru ariyo, kaka chik Ruoth dwaro.