Chakruok 15:5 - MUMA MALER 2015

⁵ Bang’e Ruoth Nyasaye nogole oko mowachone niya, “Ng’i malo, kendo kwan sulwe kinyalo.” Eka nomedo wachone ni, “Nyikwayi bende nobed mang’eny ka suluego.”

Motingʼo Loko Manyien

⁵ Nogole oko mowachone niya, “Rang polo malo kendo kwan sulwe ka dipo ni inyalo kwanogi.” Eka nowachone niya, “Omiyo mano e kaka nyikwayi nobedi.”

Chakruok 15:5 ပူးပေါင်းရင်းမြစ်များ

Chakruok 12:2

Analoki oganda maduong’; anaguedhi, kendo anami nyingi obed gi huma, mi ji nokonyre gi nyingi kuom gueth.

Chakruok 13:16

Anami nyikwayi bed mang’eny mana ka lowo mae piny. Kapo ni ng’ato nyalo kwano lowo mae piny, to kara nyikwayi bende nokwan.

Chakruok 16:10

Eka malaika nowachone kendo niya, “Anamiyi nyikwayo mang’eny ma ok nyal kwan.

Chakruok 17:2

eka anatim kodi singruok, kendo nami nyikwayi bed mogundho.”

Chakruok 22:17

Akuong’ora gi nyinga awuon ni kaka ok isetama e wuodi ma miderma, abiro guedhi moloyo, mi ami nyikwayi bed mang’eny ka sulue, kendo ka kuoyo mae dho nam. Nyikwayi nolo wasikgi,

Chakruok 26:4

Anami nyikwayi bedo mang’eny ka sulwe mae polo, kendo anamigi pinyni duto, mi ogendini duto nokwaya mondo agwedhgi kaka aseguedho nyikwayi.

Chakruok 28:14

Nyikwayi nobed mang’eny ka lowo. Gininya malach kendo ginilandre koni gi koni, mi dhoudi duto mae piny nokwa mondo oguedhgi kaka aseguedhi gi nyikwayi.

Chakruok 32:13

Jakobo nobuoro kanyo, to kinyne noyiero

1 Ruodhi 3:8

Iseketa e kind jogi miseyiero, ma gin ji mathoth mokadho akwana.

1 Weche mag Ndalo 27:23

Daudi ne ok okwano joma hikgi pok ochopo piero ariyo, nikech Ruoth Nyasaye nosesingore ni nomi jo-Israel bedo mang’eny ka sulue mae polo.

Nehemia 9:23

Nimiyo ginya ka sulue mae polo, kendo nikelogi e piny mane isingori ni inimi kweregi mondo obed margi.

Ayub 35:5

Rang ane polo mondo ine kaka boche polo ni kuma bor.

Zaburi 147:4

Osekwano sulue, mi ong’eyo kar rombgi, kendo oluongo moro ka moro gi nyinge.

Wuok 32:13

Par jotichni ma Ibrahim gi Isaka kod Israel, kendo kaka nikuong’orinigi gi nyingi iwuon, kiwacho niya, ‘Anamiu nyikwayo mang’eny ka sulue ma e polo, kendo anamigi pinyni duto kaka nasingora, ni nobed margi nyaka chieng’.’ ”

Isaya 51:2

Adier, paruru Ibrahim wuonu, kod Sara mane onywolou. Kane aluongo Ibrahim, to ne en mana ng’at achiel kende. Bang’e ne aguedhe, mi amiye odoko oganda maduong’.

Jeremia 33:22

Abiro miyo nyikwa Daudi jatichna kod jodolo ma jo-Lawi ma tiyona nya, mondo gibed mang’eny ma ok nyal kwan, mana ka sulue manie polo kata ka kuoyo mae dhonam.”

Jo-Rumi 4:18

Ibrahim noyie kendo nogeno agena, kata obedo ni gima dine mi ogen kamano ne onge! Mano omiyo nodoko wuon ogendini mathoth, mana kaka Muma wacho ni, “Nyikwayi nobed mana mathoth kamano.”

Rapar mar Chik 1:10

nikech Ruoth Nyasaye ma Nyasachu osemiyo unya ahinya, ma koro ung’eny mana ka sulue mae polo.

Rapar mar Chik 10:22

Kane kwereu odhi Misri, ne gin mana ji piero abiriyo kende, to koro Ruoth Nyasaye osemiyo unya ka sulue mae polo.

Jo-Hibrania 11:12

Kuom mano Ibrahim, mane chalo gi ng’ama osetho, noyudo nyikwayo mang’eny ka sulue manie polo, kendo mathoth ka kuoyo manie dhonam ma ok nyal kwan.

Joshua 24:3

To ne agolo kwaru Ibrahim loka Yufrate, mi atelone kowuotho e piny Kanaan duto, kendo namiye nyikwayo mang’eny, namiye Isaka,