Chakruok 15:2 - MUMA MALER 2015

² To Abram nodwoke niya, “A Ruoth Nyasaye, en ang’o minyalo miya, kapod asiko ma onge nyathi, kendo Eliezer ja-Damaski ma misumbana ema ochung’ ka jacham mwanduna?

Motingʼo Loko Manyien

² To Abram nowacho niya, “Yaye Jehova Nyasaye Manyalo Gik Moko Duto, en angʼo ma dimiya to pod asiko ka aonge nyathi kendo jacham mwanduna en mana Eliezer ja-Damaski?”

Chakruok 15:2 ပူးပေါင်းရင်းမြစ်များ

Chakruok 14:15

Ne gimonjo wasigugo gotieno, kendo ne giriembogi nyaka Hoba yo nyandwat mar Damaski.

Chakruok 15:1

Bang’ wechego Ruoth Nyasaye nofwenyore ni Abram, mowacho ne niya, “Abram, kik iluor! An okumbani, kendo pokni nobed maduong.”

Chakruok 15:3

Kaka ok isemiya nyithindo, omiyo achiel kuom wasumba ema nocham mwanduna.”

Chakruok 24:10

Eka nokawo ngamia apar mag ruodhe, kod chiwo mang’eny mabeyo, mi nomako yo modhi Nahor e piny Mesopotamia.

Chakruok 24:2

Nowacho ni jatichne maduong’ mane rito mwandune duto niya, “Ket lweti e kind ema.

Chakruok 25:21

Rebeka nodak aming’a kapok onywol, omiyo Isaka nolamone Ruoth Nyasaye mondo oyud nyathi. Ruoth Nyasaye nowinjo kwayone, mi Rebeka nomako ich.

Chakruok 39:9

Osemiya teko marom gi mare e ode, kendo ok osetuona gimoro amora mak mana in, to nikech in chiege. Koro, ere kaka danyal timo richo machal kamano, kabedo jaketho e nyim Nyasaye?”

Chakruok 43:19

Kuom mano ne gidhi ir jaduong’ od Josef e dhoot, mi giwachone niya,

Chakruok 44:1

Josef nochiko jaduong’ ode niya, “Ket cham e ogunde jogi kar ma ginyalo ting’o, kendo idwokni ng’ato ka ng’ato pesane kisoyo e dho ogunde.

Zaburi 127:3

Nyithindo gin mich moa kuom Ruoth Nyasaye. Adier, gin gueth miwuoro.

Ngeche 13:12

Ka gima igeno ok otimore, to chunyi ol, to ka gima igeno otimore, to chunyi duogo.

Ngeche 17:2

Misumba mariek nyalo bedo gi loch kuom wuod dala ma kuodo wich, mi pogne mwandu kaachiel gi yawuot dalano mamoko.

Isaya 17:1

Ma e wach mane Nyasaye onyiso e fweny kuom Damaski: Damaski biro kethore chuth, mi ute mukre kendo dhurre pidhe pidhe.

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Jeremia 49:23

Ruoth Nyasaye nowuoyo kuom jo-Damaski niya, “Joma odak Hamath gi Arpad luoro omako, kendo chunygi chandore nikech gisewinjo wach marach. Chunygi ling’ore mana ka apaka mar Nam Makwar, kendo ok ginyal yudo yueyo.

Tich Joote 7:5

To e kindeno, Nyasaye ne ok omiyo Ibrahim lowo moro e pinyni kata matin, to nosingorene ni nomiyego mondo obed mare kaachiel gi nyithinde kod nyikwaye, kata obedo ni ne pod oonge nyithindo kamano e kindeno.

Ruth 2:6

Jatichneno nodwoke niya, “En nyar Moab, ma nobiro gi Naomi, koa e piny Moab cha.

1 Samuel 1:11

Nokuong’ore kowacho niya, “A Ruoth Nyasaye Manyalo Gik Moko Duto, ka inine chandruokna, kendo ipara an jatichni, ma ok wiyi owil koda, mi imiya nyathi ma wuowi, to anachiwnigo, mondo obed mari ndalo duto mag ngimane, kendo mirich ok noka wiye.”