Chakruok 15:17 - MUMA MALER 2015

¹⁷ Kane chieng’ osepodho kendo piny olil, tak mach nodum iro, kod chuk mach maliel nothinyore, mokadho e kind sirunde kande.

Motingʼo Loko Manyien

¹⁷ Kane chiengʼ osepodho kendo piny oyuso, tago mar mach madum iro kod chuk mach maliel nothinyore mi okadho e kind lemo mag gik manoyangʼ ka.

Chakruok 15:17 ပူးပေါင်းရင်းမြစ်များ

Chakruok 15:10

Abram nokelo ni Ruoth Nyasaye gigo duto, kendo nopogo moro ka moro sirunde ariyo. Nochano sirundego e laini ariyo, ka moro ka moro omanyore gi wadgi. Winy to ne ok opogo.

2 Samuel 22:9

Iro nodum ka wuok e ume, kendo mach mang’angni bende nowuok e dhoge.

1 Ruodhi 18:38

Eka mach mar Ruoth Nyasaye nolwar, motieko misango kaachiel gi yien gi kite kod lowo, kendo nonywayo pi mane nie bur pep.

1 Weche mag Ndalo 21:26

Eka nogero ni Ruoth Nyasaye kendo-mar-misango kanyono, motimoe misengni miwang’o pep gi mag sawo, kolamo Ruoth Nyasaye. Mi Ruoth Nyasaye nodwoke gi mach moa e polo, molwar e kendo-mar-misango.

Wuok 19:18

Wi got duto notimo iro, nikech Ruoth Nyasaye noselorie, ka en ei mach. Iro ne dhuolore, kendo ji duto ne kirni malich.

Wuok 20:18

Kane ji duto oneno ka polo mor kendo mil, bende kane giwinjo ka tung’ ywak, kendo gineno ka got dum iro, ne gikirni, mi gichung’ gi chien.

Isaya 62:1

In Sayun aheri, omiyo ok analing’. Adier, aheri in Jerusalem, omiyo ok nawe wuoyo, nyaka chop resi, mi resruokni rieny ka taya maliel.

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Jong’ad Bura 13:20

Kane ligek mach bebni e kendo-mar-misango, kochiko polo, Manoa gi chiege noneno malaika mar Ruoth Nyasaye ka dum dhi e polo ei ligek majno. Omiyo ne gipodho piny auma.

Jong’ad Bura 6:21

Eka malaika mar Ruoth Nyasaye norieyo lwete, momulo ring’o kod makati gi luth mane en-go e lwete. Mach nomwoch e lwanda, mowang’o ring’o gi makati te. Bang’ mano malaikano nolal nono e wang’e.