Chakruok 15:14 - MUMA MALER 2015

¹⁴ To nakum jopiny ma notimnigi kamano, kendo bang’e ginia kuno gi mwandu mogundho.

Motingʼo Loko Manyien

¹⁴ To anakum piny ma noketgi wasumbini, bangʼe giniwuogi gia gi mwandu mogundho.

Chakruok 15:14 ပူးပေါင်းရင်းမြစ်များ

Chakruok 48:21

Eka Israel nowacho ni Josef niya, “Ne! An to koro atho, to Nyasaye nobed kodu, kendo nodwoku e piny kwereu.

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

Zaburi 105:42

Notimo kamano nikech ne oparo singruokne maler, mane otimo ni jatichne Ibrahim.

Zaburi 135:14

Ruoth Nyasaye nong’ad ni joge bura maber, konyiso ni gin kare kendo kong’wononigi.

Zaburi 135:9

kendo ne otimo honni gi gik miwuoro mondo okumgo Farao gi jodonge duto.

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Wuok 12:29

E dier otienono tir, Ruoth Nyasaye nonego nyithindo ma yawuowi makayo duto, chakre kach ruoth Farao nyaka kach ng’at motue e jela, kaachiel gi nyithindo makayo duto mag jamni.

Wuok 3:10

Omiyo koro abiro ori ir Farao mondo igol joga ma jo-Israel oa e piny Misri.”

Tich Joote 7:7

To anakum joma ginibed ka gitiyonigi, kendo bang’e giniwuog kuno, mi gibi gilama kaeri.’

Rapar mar Chik 4:20

To un e oganda ma Ruoth Nyasaye nokawo, mogolo Misri e sand mager ka mach makakni, ni mondo ubed joge owuon, kaka pod un nyaka chil kawuono.

Rapar mar Chik 6:22

Kendo nosando piny Misri gi Farao kod joge duto, kokelonigi masiche madongo gi ranyisi kod honni, kaka ne waneno.

Joshua 24:17

Ruoth Nyasaye ma Nyasachwa ema nogolo kwerewa kod wan bende e piny Misri kuma ne wabedoe wasumbini, kendo ne waneno honni ma notimo. Noritowa kamoro amora mane wadhiye, kendo e kind ogendini mane wawuothoe.

1 Samuel 12:8

Kane Jakobo gi yawuote osedhi Misri, jo-Misri koro ne sando nyikwagi ma kwereu. Omiyo ne giywak ni Ruoth Nyasaye, mi Ruoth Nyasaye nooro Musa gi Harun mogologi, kendo omiyogi kama wadakieni.