Chakruok 15:13 - MUMA MALER 2015

¹³ Eka Ruoth Nyasaye nowachone niya, “Nyikwayi nobed jodak e piny ma ok margi. Ginibed wasumbini kuno, kendo nosandgi kuom higni mia ang’wen.

Motingʼo Loko Manyien

¹³ Eka Jehova Nyasaye nowachone niya, “Ngʼe malongʼo ni nyikwayi nobed jodak e piny moro ma ok margi, kendo nolokgi wasumbini mi nosandgi malit kuom higni mia angʼwen.

Chakruok 15:13 ပူးပေါင်းရင်းမြစ်များ

Chakruok 15:16

Tieng’ mar ang’wen mar nyikwayi nodwog ka nikech ndalogo ema noyud ka richo jo-Amor osemedore moromo kum.”

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Chakruok 47:4

To wasebiro mondo wadag e pinyni, nimar kech ger e piny Kanaan, ma kata lek ma jambwa dikwaye onge. Koro, ruoth, yie mondo wadag e piny Goshen.”

Zaburi 105:42

Notimo kamano nikech ne oparo singruokne maler, mane otimo ni jatichne Ibrahim.

Wuok 1:11

Kuom mano, jo-Misri noketo jo-Israel e tij athwon, ka nyipeche ritogi mondo giti matek, eka gibed moboch. Mano e kaka ne gigero ni Farao miech keno miluongo ni Pithom gi Rameses.

Wuok 1:13

Kuom mano ne gibembo wasumbgi ma jo-Israel gi tich mapek,

Wuok 1:14

ka gimiyo ngimagi doko matek gi tije achune mag nyono lowo, gi loso matafari, kod tije duto mag pur.

Wuok 2:24

kendo nowinjo ng’urgi, mi noparo singruok mane otimo gi Ibrahim gi Isaka kod Jakobo.

Wuok 22:21

“Kik uthag jadak, kata kik uthire, nikech un bende ne un jodak e piny Misri,

Wuok 23:9

“Kik usand jodak, nikech ung’eyo paro ma jodak nigo, nimar un bende ne un jodak e piny Misri.

Wuok 3:10

Omiyo koro abiro ori ir Farao mondo igol joga ma jo-Israel oa e piny Misri.”

Wuok 3:17

Koro aseng’ado wach ni nyaka agolu e piny Misri kuma isandoue, mi ateru e piny ma jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebuz odakie. En piny momew kendo machiek.’

Wuok 3:8

Omiyo aselor mondo aresgi e lwet jo-Misri, kendo agolgi e pinyno mondo atergi e piny maber kendo malach. En piny momew, kendo machiek, ma koro jo-Kanaan gi jo-Hiti gi jo-Amor gi jo-Perizi gi jo-Hivi kod jo-Jebus ema odakie.

Tim jo-Lawi 19:34

Nyaka urite mana kaka wuodu, kendo uhere mana kaka uheroru uwegi, nikech un bende ne un jodak e piny Misri. An e Ruoth Nyasaye ma Nyasachu.

Kwan 20:15

kendo kaka kwerewa nodhi Misri, mi wasedak kuno kuom higni mang’eny. Jo-Misri nothagowa malit mana kaka ne githago kwerewa,

Tich Joote 7:17

“Kane kinde ochopo machiegni mondo Nyasaye ochop singruok mane otimo ni Ibrahim, jowa nosenya mang’eny ahinya e piny Misri.

Jo-Galatia 3:17

Tiend gima awacho e ma: Nyasaye notimo winjruok, mi osingore ni norit winjruokno. Kuom mano, Chik mane obiro bang’ higni mia ang’wen gi piero adek ok nyal ketho winjruokno, kendo mi singruok mane Nyasaye otimo bed kayiem nono,

Rapar mar Chik 10:19

Omiyo un bende onego uher jodak man kuomu, nimar un bende ne un jodak e piny Misri.

Rapar mar Chik 5:15

Paruru malong’o ni un uwegi ne un wasumbni e piny Misri, to Ruoth Nyasaye ma Nyasachu nogolou kuno gi teko mathoth kod bat morie. Mano emomiyo Ruoth Nyasaye ma Nyasachu nochikou ni mondo urit Sabato.