Chakruok 14:7 - MUMA MALER 2015

⁷ Eka ne giduogo chien nyaka En-mishpat, ma tinde iluongo ni Kadesh, mi gikawo piny jo-Amalek duto, kod piny jo-Amor ma nodak Hazazon-tamar.

Motingʼo Loko Manyien

⁷ Eka negidwogo chien kendo gidhi nyaka En Mishpat (ma tiende ni Kadesh), kendo negikawo piny jo-Amalek duto gi piny jo-Amor manodak Hazazon Tamar.

Chakruok 14:7 ပူးပေါင်းရင်းမြစ်များ

Chakruok 16:14

Mano emomiyo iluongo soko manie kind Kadesh gi Bered ni, ‘Beer-lahai-roi’, tiende ni, ‘Soko mar Nyasaye mangima ma neno’.

Chakruok 20:1

Ibrahim noa Mamre e piny Kanaan, kawuotho matintin nyaka nochopo milambo mar pinyno, modak Gerar e kind Kadesh gi Shur.

Chakruok 36:12

Elifaz wuod Esau ne nigi dhako moro ma nyinge Timna, to nonywolone Amalek. Mago e nyikwa Ada chi Esau.

Chakruok 36:16

gi Kora gi Getam kod Amalek. Mago e nyikwa Elifaz ma nobedo jodong piny Edom. Giduto ne gin nyikwa Ada.

2 Weche mag Ndalo 20:2

Jomoko nonyiso Jehoshafat niya, “Oganda maduong’ moa Edom loka nam biro mondo omonji, kendo gisechopo Hazazon-tamar, miluongo bende ni Engedi.”

Ezekiel 47:10

Jolupo nobed ka moyo tondegi e geng nam, chakre Engedi nyaka Eneglaim. Kit rech mang’eny mopogore opogore machalo mago manie Nam Mediterenia noyudre kuno.

Ezekiel 48:28

Yo milambo mar lowo mopog ni dhood Gad, tong’ piny Israel nochakre e Dala Othidhe kochomo yo milambo ma podhochieng’, nyaka sokni mag Meriba-kadesh. Eka bang’e nochom yo nyandwat ma podhochieng’ koluwo aora manie tong’ piny Misri nyaka Nam Mediterenia.

Kwan 13:26

mi gibiro ir Musa gi Harun kod oganda jo-Israel duto. Ne gipimonigi wach, kendo ne ginyisogi olembe mag pinyno.

Kwan 14:43

Jo-Amalek gi jo-Kanaan nie nyimu, kendo gibiro negou. Ruoth Nyasaye ok nyal bedo kodu, nikech useweyo luwe.”

Kwan 14:45

Jo Amalek gi jo-Kanaan ma nodak e godego nomwomore kuomgi, moriembogi ka rodhogi nyaka Horma.

Kwan 20:1

E due mokwongo, oganda jo-Israel duto nochopo e thim Zin, kendo ne gibet Kadesh kuom kinde mogwarore. Kanyo ema Miriam nothoe, moyikee.

Kwan 24:20

Eka Balaam norango piny Amalek, mi ohulo kama: “Oganda mane okwongo betie ne jo-Amalek. To mogik ginirum chuth.”

Rapar mar Chik 1:19

“Bang’e ne wawuok Horeb kaka Ruoth Nyasaye nochikowa, mi ne wawuotho e thim maduong’ kendo malich kaka ne uneno cha, kwadhi e piny gode mag jo-Amor, mi wachopo Kadesh-barnea.

Rapar mar Chik 1:46

Mano ema omiyo nudak Kadesh-barnea kuom ndalo mang’eny.

Joshua 15:62

gi Nibshan gi Ir-melek kod Engedi. Giduto ne gin mier auchiel.