Chakruok 14:2 - MUMA MALER 2015

² nodhi kedo kod Bera ruodh Sodom gi Birsha ruodh Gomora, gi Shinab ruodh Adma, gi Shemeber ruodh Zeboim, kod ruodh Bela. (Dala mar Bela iluongo bende ni Zoar)

Motingʼo Loko Manyien

² nodhi kedo gi Bera ruodh Sodom, Birsha ruodh Gomora, Shinab ruodh Adma, Shemeber ruodh Zeboim kod ruodh Bela (ma tiende ni Zoar).

Chakruok 14:2 ပူးပေါင်းရင်းမြစ်များ

Chakruok 10:19

Bang’e dhout jo-Kanaan nolandore, mi tong’ pinygi nochakore Sidon kochomo Gerar nyaka Gaza, kendo nokadho Sodom gi Gomora mochopo Adma gi Zeboim nyaka Lasha.

Chakruok 13:10

Lut norango koni gi koni, moneno ka holo mar aora Jordan nyaka Zoar nigi pi mang’eny, machal gi puoth Ruoth Nyasaye kata ka piny Misri. (Mano notimore kane pok Ruoth Nyasaye oketho Sodom gi Gomora.)

Chakruok 13:12

Abram nodong’ e piny Kanaan, to Lut nodak but Sodom e mier mae paw Jordan, kuma noguroe hembe.

Nehemia 11:34

gi Hadid gi Zeboim gi Shim.

Isaya 15:5

Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

Jeremia 48:34

“Jo-Heshbon gi jo-Eleale ywak, kendo ywakgi winjore nyaka Jahaz, jo-Zoar bende winje, kendo owinjore nyaka Horonaim gi Elgath-shelishya, nikech pige mag Nimrim oseduono.

Hosea 11:8

“To ere kaka daweu, un jo-Israel? Koso ere kaka dajwang’u? Bende datieku adier, kaka ne atieko jo-Adma? Koso anyalo timonu kaka ne atimo ni jo-Zeboim? Ooyo, ok anyal timonu kamano, nikech aherou ahinya.

Rapar mar Chik 29:23

Piny duto nowang’ gi mach kendo notim chumbi, ma ok nyal pidhie gimoro, kata mana lum bende ok notwiye. Nokethre mana ka Sodom gi Gomora, kod Adma gi Zeboim, mane Ruoth Nyasaye otieko gi mirimbe mager.

Rapar mar Chik 34:3

gi piny man yo milambo, kod paw holo man yo Jeriko miluongo ni Dala Othidhe, nyaka Zoar.

1 Samuel 13:18

to oganda machielo ne luwo yo madhi Beth-horon, kendo oganda mar adek ne luwo yo mochiko gode, momanyore gi holo mar Zeboim gi thim.