Chakruok 13:18 - MUMA MALER 2015

¹⁸ Kuom mano, Abram nodar, modhi Hebron, kuma noguroe hembe but yien milemoe mag Mamre. Eka nodak kanyo mogeroe kendo-mar-misango ni Ruoth Nyasaye.

Motingʼo Loko Manyien

¹⁸ Omiyo Abram nopudho hembene mi odhi odak but yiende madongo mag Mamre ei Hebron, kamane ogeroe kendo mar misango ne Jehova Nyasaye.

Chakruok 13:18 ပူးပေါင်းရင်းမြစ်များ

Chakruok 13:4

Kendo ogeroe kendo-mar-misango. Eka nolamo Ruoth Nyasaye kanyo.

Chakruok 14:13

To ng’at moro mane otony e lwenyno nobiro ir Abram ja-Hibrania monyise gima osetimore. E ndalogo, Abram nodak but yiend Mamre ja Amor. Mamreno ne omin Eshkol kod Aner mane osiepe Abram.

Chakruok 18:1

Ruoth Nyasaye nofwenyore ni Ibrahim but yien milemoe mag Mamre. Noyudo oyueyo e dho hembe, ka chieng’ kech.

Chakruok 22:9

Kane gichopo kama Nyasaye nosenyise, Ibrahim nogero kendo-mar-misango, kendo nochanoe yien. Bang’ mano notweyo wuode, moketo e wi yien ma nosechano e kendogo.

Chakruok 23:2

Bang’e notho Kiriath-arba, ma tinde iluongo ni Hebron, manie piny Kanaan. Ibrahim nodonjo e hembe moywage.

Chakruok 26:25

Kuom mano, Isaka nogero kendo-mar-misango kuno, molamoe Ruoth Nyasaye. Nodak kanyo, mi jotichne nokunyo soko moro kanyono.

Chakruok 35:27

Jakobo nobiro ir Isaka wuon mare mane oyudo odak Mamre machiegni gi Kiriath-arba, (ma tinde iluongo ni Hebron), kuma Ibrahim gi Isaka nodakie.

Chakruok 37:14

Wuon mare nowachone niya, “Dhiyo ine ane ka oweteni ngima, kendo kwayo jamni maber, mondo idwokna wach.” Kamano nooro Josef Shekem, mi Josef nochako wuoth koa e holo mar Hebron kuma ne gidakie.

Chakruok 8:20

Eka Nowa nogero ni Ruoth Nyasaye kendo-mar-misango, mi nokawo kit le ka le michamo kod kit winyo ka winyo michamo, motimogo ni Ruoth Nyasaye misango miwang’o pep.

2 Samuel 2:1

Bang’ wechegi, Daudi nopenjo Ruoth Nyasaye wach niya,, “Dadhi e dala moro mar Juda koso?” Ruoth Nyasaye nodwoke ni, “Dhiyo!” Daudi nomedo penjo niya, “Ere dala ma dadhiye?” Mi nodwoke ni, “Hebron.”

Zaburi 16:8

Pile apari, in Ruoth Nyasaye man koda. Ibet e bada korachwich, omiyo onge gima nyalo yienga.

Kwan 13:22

Ne giidho ka ging’ado piny milambo, mi gichopo Hebron, kuma ne Ahiman gi Sheshai kod Talmai ma nyikwa Anak odakie. (Hebron noger higni abiriyo kapok oger Zoan man e piny Misri.)

1 Timotheo 2:8

Emomiyo adwaro ni mondo kamoro amora ma ji ochokoree e lemo, to chwo ema mondo olem. To nyaka gibed joma ler, manyalo ting’o luetgi malo kaonge gi mirima kata mbaka moro e chunygi.

Jo-Hibrania 11:9

Yie ema nomiyo odak mana ka jadak e piny ma ok mare, kata obedo ni ne en piny mane Nyasaye osingore ni nomiye. Ne odak e hema, mana kaka Isaka kod Jakobo bende nodak. Gin bende Nyasaye nosesingorenigi kamano.

Joshua 14:13

Joshua noguedho Kaleb, momiye dala mar Hebron,

Joshua 15:13

Nopog ni Kaleb wuod Jefune dir piny jo-Juda, kaka Ruoth Nyasaye nosechiko Joshua. Pok ma noyudono ne en Hebron, dala mar Arba, kwar jo-Anak.