Chakruok 13:10 - MUMA MALER 2015

¹⁰ Lut norango koni gi koni, moneno ka holo mar aora Jordan nyaka Zoar nigi pi mang’eny, machal gi puoth Ruoth Nyasaye kata ka piny Misri. (Mano notimore kane pok Ruoth Nyasaye oketho Sodom gi Gomora.)

Motingʼo Loko Manyien

¹⁰ Lut notingʼo wangʼe moneno paw Jordan duto ka nitie gi pi maber mana ka puoth Jehova Nyasaye, machalo gi piny Misri kochiko Zoar. (Mano notimore kane pok Jehova Nyasaye oketho Sodom kod Gomora.)

Chakruok 13:10 ပူးပေါင်းရင်းမြစ်များ

Chakruok 11:27

Koro magi e joka Tera: Tera nonywolo Abram gi Nahor kod Haran, to Haran nonywolo Lut.

Chakruok 13:11

Omiyo Lut noyiero holo mar Jordan duto, mi nochomo yo wuok chieng’. Kamano e kaka ji ariyogo nopogore.

Chakruok 13:9

Ber mondo wapogre. Yier bath piny koma ihero. Kikawo koracham to abiro kawo korachwich. Kata kikawo korachwich to abiro kawo koracham.”

Chakruok 14:2

nodhi kedo kod Bera ruodh Sodom gi Birsha ruodh Gomora, gi Shinab ruodh Adma, gi Shemeber ruodh Zeboim, kod ruodh Bela. (Dala mar Bela iluongo bende ni Zoar)

Chakruok 14:8

Bang’e ruodhi mag Sodom gi Gomora gi Adma gi Zeboim kod Bela nowuok moriedo jolwenjgi e holo Sidim

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Chakruok 47:6

piny Misri duto ni e lweti. Ketgi gidag kama berie moloyo. Ginyalo dak e piny Goshen, kendo king’eyo ni jomoko kuomgi gin jokwath molony, to ketgi mondo girit jamba.”

Chakruok 6:2

yawuot Nyasaye noneno ni nyi dhano beyo, omiyo ng’ato ka ng’ato nokendo nyako mohero kuomgi.

1 Ruodhi 7:46

Nolosogi e paw aora Jordan e lop chuech man e kind Sukoth gi Zarethan.

Ayub 40:23

Kata ka aora opong’ mabubni manadi, to ok oluor, kendo chunye ngich ang’icha, kata ka pi tagore e wang’e.

Zaburi 107:34

Piny momew bende omiyo lokore piny motimo kado ma ok nyal pur.

Isaya 15:5

Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Jeremia 48:34

“Jo-Heshbon gi jo-Eleale ywak, kendo ywakgi winjore nyaka Jahaz, jo-Zoar bende winje, kendo owinjore nyaka Horonaim gi Elgath-shelishya, nikech pige mag Nimrim oseduono.

Ezekiel 16:46

“Nyameru maduong’ en Samaria mane ni yo nyandwat kaachiel gi mier matindo mokiewo kode. To nyameru matin en Sodom, mane ni yo milambo kaachiel gi mier matindo mokiewo kode.

Ezekiel 16:49

Sodom kaachiel gi mier matindogo, ne josunga, nikech ne gin gi chiemo mang’eny, kendo ne gidak maber gi kue. To ne ok gikony jochan kaachiel gi joma ok nyal konyore kendgi.

Ezekiel 28:13

Ne idak Eden, puoth Nyasaye, kendo ne ilichori gi gik molos gi dhahabu, kod kite mopogore opogore ma nengogi tek, kaka sardius gi topaz gi diamond gi berul gi oniks gi jasper gi safir gi emerald kod karbunkel. Ne olosnigi mana chieng’ mane ochueyie.

Ezekiel 31:8

Onge yadh sida moro e puoth Nyasaye, mane inyalo pimo kode. Adier, onge yath moro mane nigi bede machal gi mage. Chutho onge yath moro e puoth Nyasaye mane jaber ka en.

Ezekiel 31:9

An Ruoth Nyasaye ema amiyo obedo majaber gi bede mojany kamano. Yien duto mane nie Eden puoth Nyasaye ne nyiego omako kode.

Ezekiel 47:18

“Tong’ ma yo wuokchieng’ noring koa dala moro manie kind piny Damaski gi piny Hauran, kochomo yo milambo. Bang’ mano, aora Jordan nobed tong’ mopogo kind piny Israel yo podho chieng’, kod piny Gilead, yo wuokchieng’, nyaka Dala Othidhe man e bath Nam Kado.

Joel 2:3

Gichamo oboke mana ka gima mach owang’o! Piny ma pok gichopoe ber ka puoth Eden, to ka giseaye, to odong’ motwo tarara. Onge gima giweyo mak gichamo.

Rapar mar Chik 34:3

gi piny man yo milambo, kod paw holo man yo Jeriko miluongo ni Dala Othidhe, nyaka Zoar.