Chakruok 12:9 - MUMA MALER 2015

⁹ Bang’ mano nowuotho matintin, kobworo e wuodhe mochiko piny Kanaan ma milambo.

Motingʼo Loko Manyien

⁹ Eka Abram nochako wuoth kendo odhi nyime giwuoth kochomo Negev.

Chakruok 12:9 ပူးပေါင်းရင်းမြစ်များ

Chakruok 13:1

Abram noa Misri mochiko yo nyandwat nyaka piny Kanaan ma milambo, kodhi gi chiege kod gik moko duto mane en go, Lut bende nodhi kodgi.

Chakruok 13:3

Kane oa kuno, nowuotho matintin, kobworo kochomo Bethel, nyaka nochopo kuma nokwongo bworoe e kind Bethel gi Ai.

Chakruok 20:1

Ibrahim noa Mamre e piny Kanaan, kawuotho matintin nyaka nochopo milambo mar pinyno, modak Gerar e kind Kadesh gi Shur.

Chakruok 20:13

Kuom mano kane Nyasaye ochika mondo awuog e dala wuora, kendo awuoth e pinje mamoko, nakwayo Sara niya, ‘Adwaro mondo itimna ng’wono kama. Kuonde duto ma wadhiye, to iwachie ni an owadu.’ ”

Chakruok 24:62

Noyudo Isaka koro osedar modak Beer-lahai-roi, e piny Kanaan ma milambo.

Zaburi 105:13

Ne gibayo e pinje gi pinje, ka gidak kuonde mopogore opogore,

Isaya 30:6

Wach mane Nyasaye onyiso e fweny kuom ondiegi manie piny milambo ema: “Jooteugo kadho e piny ma masira gi parruok malit opong’o, kama sibuoche mamon nitie, kendo sibuoche machwo rutoe, bende kama thuonde mager mahuyo odakie. Kenje gi ngamia oting’o mwandugi, ka gitero ni oganda ma ok nyal konyou.

Kwan 13:17

Kane Musa dwaro orogi mondo gidhi gicheng pinyno, nowachonigi niya, “Chikuru yo milambo mar pinyno, bang’e uidh e piny gode.

Rapar mar Chik 1:7

omiyo koro chakuru wuoth, mondo udhi e piny gode mag jo-Amor, kendo uked gi joma odak machiegni kodgi e holo mar aora Jordan, gi piny gode kod piny pewe gi piny man yo milambo, kod dhonam, ma tiende ni piny Kanaan kod piny Lebanon duto nyaka aora maduong’ mar Yufrate.