Chakruok 12:7 - MUMA MALER 2015

⁷ Ruoth Nyasaye nofwenyore ni Abram kanyo, mowachone niya, “Ma e piny ma nami nyikwayi.” Mi Abram nogero kendo-mar-misango kanyono ni Ruoth Nyasaye ma nofwenyorene.

Motingʼo Loko Manyien

⁷ Jehova Nyasaye nofwenyore ne Abram mi owachone niya, “Anami kothi pinyni.” Omiyo Abram nogero kendo mar misango kanyo ne Jehova Nyasaye mane osefwenyorene.

Chakruok 12:7 ပူးပေါင်းရင်းမြစ်များ

Chakruok 12:8

Bang’e nodar kanyo modhi yo milambo e piny gode man yo wuok chieng’ mar Bethel, moguro hembe e kind Bethel gi Ai, ka Bethel ni yo podho chieng’ to Ai ni yo wuok chieng’. Kanyo bende nogeroe kendo-mar-misango ni Ruoth Nyasaye.

Chakruok 13:15

nimar piny duto minenono abiro miyi gi nyikwayi nyaka chieng’.

Chakruok 13:17

Koro ikri mondo iwuoth kuonde duto e pinyni, nikech amiyigo duto.”

Chakruok 13:18

Kuom mano, Abram nodar, modhi Hebron, kuma noguroe hembe but yien milemoe mag Mamre. Eka nodak kanyo mogeroe kendo-mar-misango ni Ruoth Nyasaye.

Chakruok 13:4

Kendo ogeroe kendo-mar-misango. Eka nolamo Ruoth Nyasaye kanyo.

Chakruok 15:18

Chieng’no Ruoth Nyasaye nosingore ni Abram kowacho ne niya, “Pinyni amiyo nyikwayi, chakre aora man e tong’ Misri nyaka aora maduong’ mar Yufrate,

Chakruok 17:1

Kane Abram ja higni piero ochiko, Ruoth Nyasaye nofwenyorene, mowachone niya, “An Nyasaye Manyalo Gik Moko Duto. Bed ng’ama odimbore kendo maonge ketho e nyima ndalo duto,

Chakruok 17:3

Abram nogoyo chonge piny, mokulore nyaka e lowo, mi Nyasaye nowachone niya,

Chakruok 17:8

Anamiyi piny Kanaan duto ma koro inie jadakni, mi enobed mari gi nyikwayi nyaka chieng’ kendo anabed Nyasachgi.”

Chakruok 18:1

Ruoth Nyasaye nofwenyore ni Ibrahim but yien milemoe mag Mamre. Noyudo oyueyo e dho hembe, ka chieng’ kech.

Chakruok 22:9

Kane gichopo kama Nyasaye nosenyise, Ibrahim nogero kendo-mar-misango, kendo nochanoe yien. Bang’ mano notweyo wuode, moketo e wi yien ma nosechano e kendogo.

Chakruok 24:7

Ruoth Nyasaye ma Nyasach polo gi piny ma nogola thurwa e dala wuora, kendo nosingorena ni nomi nyikwaya pinyni ema noor malaikane nyimi mondo iyud ni wuoda nyako kuno.

Chakruok 26:25

Kuom mano, Isaka nogero kendo-mar-misango kuno, molamoe Ruoth Nyasaye. Nodak kanyo, mi jotichne nokunyo soko moro kanyono.

Chakruok 26:3

Dag adaga e pinyni mondi, eka nabed kodi kendo naguedhi, kamiyi pinyni duto gi nyikwayi. Kamano nachop singruok mane atimo ni Ibrahim wuoru.

Chakruok 28:13

Bende noneno Ruoth Nyasaye kochung’ bute, ka wachone niya, “An e Ruoth Nyasaye, ma Nyasach Ibrahim kwaru, kendo Nyasach Isaka, piny minindoeni abiro miyi gi nyikwayi.

Chakruok 28:4

Onego oguedhi kendo oguedh nyikwayi kaka noguedho Ibrahim, mondo ikaw piny ma koro idakie. En e piny mane Nyasaye omiyo Ibrahim.”

Chakruok 32:30

Jakobo nowacho niya, “Aseneno Nyasaye wang’ gi wang’, to pod angima!” Omiyo nochako nying kanyo ni Peniel (tiende ni, wang’ Nyasaye).

Chakruok 33:20

Nogero kendo-mar-misango kanyo, mochako ni Elelohe-Israel, (tiende ni, El, ma Nyasach Israel.)

Chakruok 35:12

Piny mane amiyo Ibrahim gi Isaka ema namiyi gi nyikwayi.”

Chakruok 35:7

Nogero kendo-mar-misango kuno, kendo nochako kanyo ni Bethel, (tiende ni od Nyasaye,) nikech Nyasaye nofwenyorene kanyo ka ne oringo owadgi.

Chakruok 50:24

Achien Josef nowacho ni owetene niya, “An koro achiegni tho, to Nyasaye biro ritou, kendo golou e pinyni, moteru e piny mane osingore ni nomi Ibrahim gi Isaka kod Jakobo.”

Chakruok 8:20

Eka Nowa nogero ni Ruoth Nyasaye kendo-mar-misango, mi nokawo kit le ka le michamo kod kit winyo ka winyo michamo, motimogo ni Ruoth Nyasaye misango miwang’o pep.

2 Samuel 24:25

Eka nogero ni Ruoth Nyasaye kendo-mar-misango kanyono, motimoe misengni miwang’o pep, kod mag sawo. Ruoth Nyasaye nowinjo lemo ma nochiwne, kendo nogeng’o tho malitno mondo kik oneg jo-Israel.

1 Ruodhi 18:32

Kitego nolosogo kendo-mar-misango ni Ruoth Nyasaye. Nokunyo bur molworo kendo-mar-misango. Burno dine rom ting’o migerni ariyo mag koth ngano.

1 Weche mag Ndalo 16:16

mane otimo ni Ibrahim. Bende noparo kuong’ruok mane okuong’orego ni Isaka,

1 Weche mag Ndalo 16:18

Nowacho niya, “Anamiyi piny Kanaan mondo obed mwanduni gi nyikwayi.”

2 Weche mag Ndalo 20:11

To kar goyonwa erokamano, to koro gidwaro riembowa e piny mane imiyowa mondo obed marwa.

2 Weche mag Ndalo 20:7

A Nyasachwa, donge in ema nichiwo pinyni ni nyikwa Ibrahim ma osiepni, kiriembo joma nodakie mondo owe thuolo ni jogi Israel, odagie nyaka chieng’?

Ezra 3:2

Eka Joshua wuod Jozadak gi jodolo wetene kod Zerubabel wuod Shealtiel gi owetene ne jogero kendo-mar-misango mar Nyasach Israel, mondo otimie misengni miwang’o pep, kaka ondiki e chik Musa ng’at Nyasaye.

Wuok 17:15

Musa nogero kendo-mar-misango, mi nochake ni Jehova-Nisi, (tiende ni, Ruoth Nyasaye e bandecha.)

Wuok 24:4

Musa nondiko chike duto mag Ruoth Nyasaye. To kinyne gokinyi nogero kendo-mar-misango e tiend got, kendo nochungo kite apar gariyo mag rapar, maromre gi kar romb dhout Israel apar gariyo.

Wuok 32:13

Par jotichni ma Ibrahim gi Isaka kod Israel, kendo kaka nikuong’orinigi gi nyingi iwuon, kiwacho niya, ‘Anamiu nyikwayo mang’eny ka sulue ma e polo, kendo anamigi pinyni duto kaka nasingora, ni nobed margi nyaka chieng’.’ ”

Wuok 33:1

Ruoth Nyasaye nowacho ni Musa niya, “Wuoguru in kaachiel gi joma nigolo Misri, kendo udhi e piny mane asingora ni nami Ibrahim gi Isaka kod Jakobo, kawachonigi ni nami nyikwagi pinyno.

Wuok 6:3

Nafwenyora ni Ibrahim gi Isaka kod Jakobo ka Nyasaye Manyalo Gik Moko Duto, to ne ok aweyo ging’eya gi nyinga mar Ruoth Nyasaye.

Wuok 6:4

Bende natimo kodgi singruok, kawachonigi ni namigi piny Kanaan, mane ginie jodak.

Jeremia 3:18

Jo-Israel biro riwore gi jo-Juda, kendo gibiro wuotho kanyakla, ka gia yo nyandwat, ka giduogo e piny mane amiyo kwereu mondo obed mwandugi nyaka chieng’.

Kwan 26:53

“Nyaka pog piny gi dhoudi mana maromre gi kar joma ondik nyinggi.

Kwan 32:11

‘Jo-Israel osedagi luwa gi chunygi duto, omiyo onge kata ng’ato achiel ma jahigni piero ariyo kata mokadho kanyo mane owuok Misri, ma none piny mane asingora ni Ibrahim gi Isaka kod Jakobo.

Tich Joote 7:5

To e kindeno, Nyasaye ne ok omiyo Ibrahim lowo moro e pinyni kata matin, to nosingorene ni nomiyego mondo obed mare kaachiel gi nyithinde kod nyikwaye, kata obedo ni ne pod oonge nyithindo kamano e kindeno.

Jo-Rumi 9:8

Mano nyiso ni nyithindo duto mane Ibrahim onywolo ok gin nyithind Nyasaye, to mana mago monywol kaluwore gi singruok mar Nyasaye ema ikwano ka nyithind Nyasaye adier,

Jo-Galatia 3:16

To Muma wacho ni Nyasaye notimo singruok gi Ibrahim kendo gi nyakware. Ok owacho ni, gi nyikwaye, tiende ni, ji mang’eny, to owacho ni, gi nyakware, tiende ni, ng’at achiel kende, ma en Kristo.

Jo-Galatia 4:28

Koro owetena, un nyithind Nyasaye kuom singruokne, mana kaka Isaka nobet.

Rapar mar Chik 1:8

Aseikonu pinyno, omiyo dhiuru mondo ukawe. En e piny mane Ruoth Nyasaye osingore ni nomi kwereu ma Ibrahim gi Isaka gi Jakobo kod nyikwagi.’

Rapar mar Chik 30:20

Heruru Ruoth Nyasaye ma Nyasachu, kuwinjo wachne, kendo kuketo chunyu kuome. Mano nomi ubed mangima, kendo udag aming’a e piny mane osingore ni kwereu ma Ibrahim gi Isaka kod Jakobo.”

Rapar mar Chik 34:4

Ruoth Nyasaye nowachone niya, “Ma e piny mane asingora ni Ibrahim gi Isaka kod Jakobo ni nami nyikwagi. Asenyisigo mondo inene gi wang’i, to kata kamano, ok niidh loka, midonjie.”

Rapar mar Chik 6:10

“Ruoth Nyasaye ma Nyasachu nokelu e piny mane osesingore ni kwereu ma Ibrahim gi Isaka kod Jakobo ni nomiu. En piny man gi mier mang’eny madongo miwuoro, mane ok ugero,

Rapar mar Chik 9:5

Ok timbeu mabeyo kata dimbruok ma un-go ema omiyo ubiro donjo e piny jogo mondo ukaw, to en mana nikech richo mag ogendinigo emomiyo Ruoth Nyasaye ma Nyasachu riembogi mondo giwenu thuolo, kochopogo singruok ma notimo gi kwereu ma Ibrahim gi Isaka kod Jakobo.

Jo-Hibrania 11:13

Jogo duto notho ka nigi yie. Ne ok ginwang’o gik mane Nyasaye osingorenigi ni nomigi, to ne ginenogi gi kuma bor, mi giyie ni gin gik mantie adier. Ne gihulo ratiro ni gin mana welo gi jowuoth e piny ka.

Jo-Hibrania 11:8

Yie ema nomiyo Ibrahim oyie luong mar Nyasaye, mi odhi e piny mane Nyasaye osingore ni nomiye, kendo noweyo pinygi ka okia kuma odhiye.

Joshua 1:6

Bed gi chir, kendo gi jing’o, nimar in ema nitel ni jogagi, ka gikawo piny mane asingora ni kweregi ni namigi.

Joshua 22:10

To kane gichopo Geliloth man but aora Jordan, ne gigero kendo mang’ongo mar misango e bath aora kanyo, mane ji nyalo neno gi kuma bor.

Joshua 8:30

Joshua nogero kendo-mar-misango ni Ruoth Nyasaye ma Nyasach Israel e got Ebal.

Jong’ad Bura 6:24

Bang’ mano, Gideon nogero ni Ruoth Nyasaye kendo-mar-misango kanyo, mochako ni, ‘Jehova Shalom’, (tiende ni, Ruoth Nyasaye en kue.) Kendono pod ni Ofra kuno e piny jo-Abieze, nyaka chil kawuono.

1 Samuel 7:17

To bang’e nodoknga Rama, kuma dalane ne nitie. Kuno bende nong’adoe buche jo-Israel, kendo nogeroe kendo-mar-misango ni Ruoth Nyasaye.